ସତ୍ୟଶିଖା ( ନୂଆଦିଲ୍ଲୀ ) ୨ .୦୯ .୨୦୨ ୦ : ପ୍ରଥମ ଥର ପାଇଁ ଏଚଆଇଭି ବିନା ଚିକିତ୍ସାରେ ଠିକ୍ ହୋଇଛି । ମଣିଷ ଶରୀରର ଇମ୍ୟୁନିଟି ସିଷ୍ଟମ ବା ରୋଗ ପ୍ରତିରୋଧକ ଶକ୍ତି ଏହି ମାରାତ୍ମକ ଭାଇରସକୁ ପୂରା ଠିକ୍ କରିଛି । ଏଚଆଇଭିର ଚିିତ୍ସା ସମ୍ଭବପର ନ ଥିବା ବେଳେ ଏ ଘଟଣା ପୃଥିବୀର ସମସ୍ତ ବୈଜ୍ଞାନିକ ଓ ଡାକ୍ତରଙ୍କୁ ଆଶ୍ଚର୍ଯ୍ୟ କରିଛି । ତେବେ ଏହି ରୋଗ ଯାହାକୁ ଥରେ ହୁଏ ସମ୍ପୃକ୍ତ ବ୍ୟକ୍ତିଙ୍କୁ ସାରା ଜୀବନ ଔଷଧ ଖାଇବାକୁ ପଡେ ।
ଏହା ପୂର୍ବରୁ ମଣିଷ ଶରୀରରେ ଦୁଇଥର ବୋନ୍ ମ୍ୟାରୋ ଟ୍ରାନ୍ସପ୍ଲାଣ୍ଟ କରାଯିବାରୁ ଏଚଆଇଭି ଭାଇରସ୍ ଶରୀରରେ ତୀବ୍ର ଭାବେ କମ୍ ହୋଇଥିଲା । ଏ କେସ୍ ସାମ୍ନାକୁ ଅlସିବା ପରେ ଡାକ୍ତରମାନେ ଶରୀରରେ ୧.୫ ବିଲିଅନ୍ ଅର୍ଥାତ୍ ୧୫୦ କୋଟି କୋଶିକାର ଯାଞ୍ଚ କଲେ । ଏ ରୋଗୀର ନାମ ଦିଆଯାଇଛି ଇସି୨ । ଅଗଷ୍ଟ ୨୬ରେ ପ୍ରକାଶିତ ସାଇନ୍ସ ମାଗାଜିନ୍ ନେଚର୍ ରିପୋର୍ଟ ଅନୁସାରେ , ରୋଗୀର ଶରୀରରେ ଏଚଆଇଭିର ସକ୍ରିୟ ଭାଇରସ୍ ନାହିଁ । ଏହାର ଅର୍ଥ ରୋଗୀ ଏଚଆଇଭିରେ ସଂକ୍ରମିତ ହେଲା ଓ ଆପେ ଆପେ ଭଲ ହୋଇଗଲା । ଇସି୧ ନାଁରେ ଆଉ ଜଣେ ରୋଗୀଙ୍କର ୧୦୦ କୋଟି କୋଶିକାର ପରୀକ୍ଷା କରାଗଲା । ତାଙ୍କ ଶରୀରରୁ ମିଳିଲା କେବଳ ଗୋଟିଏ ସକ୍ରିୟ ଭାଇରସ୍ । ମାତ୍ର ତାହା ବି ଜେନେଟିକାଲି ନିଷ୍କ୍ରିୟ। ଅର୍ଥାତ୍ ଏ ଦୁଇ ଜଣଙ୍କ ଶରୀରରେ ଜେନେଟିକ୍ ଏମିତି ହୋଇଥିବାରୁ ଦୁହେଁ ଏଚଆଇଭି ସକ୍ରିୟତାକୁ ଶେଷ କରିବାରେ ସଫଳ ହୋଇଛନ୍ତି ।
ଏତେ ସବୁ ପରୀକ୍ଷା ପରେ ବୈଜ୍ଞାନିକମାନେ ଦୁହିଁଙ୍କ ନାଁ ଏଲିଟ୍ କଣ୍ଟେ୍ାଲ୍ (ଇସି) ରଖିଛି । ଇସିର ଅର୍ଥ ଯେଉଁ ଲୋକଙ୍କ ଶରୀରରେ ଏଚଆଇଭି ଅଛି ବିନା କୌଣସି ଚିକିତ୍ସା ବା ଔଷଧରେ ଭଲ ହୁଏ । ତେବେ ଏହା କିଛି ମାସକର କି ବର୍ଷକର ଘଟଣା ନୁହେଁ । ଏହା ଦୀର୍ଘ ସମୟ ପର୍ଯ୍ୟନ୍ତ ବିକଶିତ ହୋଇଥିବା ଇମ୍ୟୁନ ସିଷ୍ଟମ । ପୃଥିବୀରେ ୩.୫୦କୋଟି ଲୋକ ଏଚଆଇଭିରେ ସଂକ୍ରମିତ । ଏମାନଙ୍କ ମଧ୍ୟରୁ ୯୯.୫୦ ପ୍ରତିଶତ ଏମିତି ରୋଗୀ ଅଛନ୍ତି ଯେଉଁମାନଙ୍କୁ ପ୍ରତିଦିନ ଆଣ୍ଟି ରେଟ୍ରୋଭାଇରାଲ୍ ବା ଏଚଆଇଭି ଔଷଧ ଦିଆଯାଉଛି ।
