ସତ୍ୟଶିଖା (ଭୁବନେଶ୍ୱର)୦୧.୦୧.୨୦୨୨: ଆଜିଠୁ ‘ଭାରତ ପଢ଼େ ଅନ୍ଲାଇନ୍’ ଅଭିଯାନ ଆରମ୍ଭ । ଏହାର ଶୁଭାରମ୍ଭ କରିବେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ବାଳବାଟିକା ଠାରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀ ଏହି ଅଭିଯାନର ଅଂଶ ହେବେ । ପଠନ ଅଭିଯାନ ଆଜିଠୁ ଆରମ୍ଭ ହୋଇ ୧୦ ଏପ୍ରିଲ୍ ୨୦୨୨ ପର୍ଯ୍ୟନ୍ତ ଚାଲିବ ।
୧୦୦ ଦିନ ଧରି ଏହା ଆୟୋଜନ କରାଯିବ । ଏଥିରେ ଛାତ୍ରଛାତ୍ରୀ ଓ ଶିକ୍ଷକ ହେଉଛନ୍ତି ମୁଖ୍ୟ ‘ଟାର୍ଗେଟ୍ ଅଡିଆନ୍ସ’। ଏହି ଅଭିଯାନରେ ସେମାନେ ବହୁ ସଂଖ୍ୟାରେ ଅଂଶଗ୍ରହଣ କରିବେ । ଯାହାଦ୍ୱାରା ବର୍ତ୍ତମାନ ପ୍ରଚଳିତ ଅନ୍ଲାଇନ୍ ଶିକ୍ଷା ପଦ୍ଧତିକୁ ଉନ୍ନତ କରାଯାଇପାରିବ ।
ଯେଉଁମାନେ ଏବେ ସ୍କୁଲ କିମ୍ବା କୌଣସି ଉଚ୍ଚ ଶିକ୍ଷାନୁଷ୍ଠାନରେ ପଢ଼ୁଛନ୍ତି ଏବଂ ବର୍ତ୍ତମାନର ଡିଜିଟାଲ ପ୍ଲାଟଫର୍ମ ସହ ସଂପର୍କିତ ଅଛନ୍ତି ।ସେମାନଙ୍କୁ ଦୈନନ୍ଦିନ ଭିତ୍ତିରେ ବିଭିନ୍ନ ପାଠ୍ୟକ୍ରମ ଅନଲାଇନରେ ପ୍ରଦାନ କରାଯାଉଛି । ସେମାନେ ମଧ୍ୟ ଏହି ଅନ୍ଲାଇନ୍ ପ୍ଲାଟ୍ଫର୍ମରେ ଥିବା ଦୋଷ ତ୍ରୁଟି ସଂପର୍କରେ ନିଜର ମତାମତ ରଖିପାରିବେ । ତାହାକୁ କିଭଳି ଭାବେ ଉନ୍ନତ କରିଯାଇପାରିବ ସେନେଇ ପରାମର୍ଶ ଦେଇପାରିବେ ।
