ସତ୍ୟଶିଖା(ନୂଆଦିଲ୍ଲୀ )୦୯.୦୨.୨୦୨୨ : ପ୍ରତି ବର୍ଷ ଫିଲ୍ମ ଦୁନିଆ ସହିତ ଜଡ଼ିତ ଲୋକଙ୍କୁ ଓସ୍କାର ପୁରସ୍କାର ସମାରୋହ ପୂର୍ବରୁ ଏହାର ମନୋନୀତ ତାଲିକାକୁ ଅପେକ୍ଷା କରିବାକୁ ପଡିଥାଏ । ଓସ୍କାର ୨୦୨୨ର ମନୋନୀତ ତାଲିକା ପ୍ରକାଶ ପାଇଛି । ଏଥର ଭାରତର ଏକ ଡକ୍ୟୁମେଣ୍ଟାରି ଫିଲ୍ମକୁ ମନୋନୀତ କରାଯାଇଛି । ଓସ୍କାରର ଫାଇନାଲ ତାଲିକାରେ ଭାରତୀୟ ଫିଲ୍ମ ‘ରାଇଟିଙ୍ଗ୍ ୱିଥ ଫାୟାର’କୁ ଶ୍ରେଷ୍ଠ ଡକ୍ୟୁମେଣ୍ଟାରି ଚଳଚ୍ଚିତ୍ର ବର୍ଗରେ ମନୋନୀତ କରାଯାଇଛି । ଦେଶବ୍ୟାପୀ ଏହା ନିଶ୍ଚିତ ଭାବେ ଗର୍ବର ବିଷୟ ।
ରାଇଟିଙ୍ଗ୍ ୱିଥ ପାୟାର ସାମ୍ବାଦିକତା ଉପରେ ପର୍ଯ୍ୟବେସିତ ଏବଂ ଏହା ପୂର୍ବରୁ ସନଡାନ୍ସ ଫିଲ୍ମ ଫେଷ୍ଟିଭାଲରେ ସ୍ପେଶାଲ ଜ୍ୟୁରୀ ଆୱାର୍ଡ ମିଳିସାରିଛି । ଏହି ଚଳଚ୍ଚିତ୍ର ଏପର୍ଯ୍ୟନ୍ତ ୨୦ରୁ ଅଧିକ ଅନ୍ତର୍ଜାତୀୟ ପୁରସ୍କାର ପାଇସାରିଛି । ତେଣୁ ଏହି ଚଳଚ୍ଚିତ୍ରକୁ ନେଇ ଲୋକଙ୍କୁ ଅନେକ ଆଶା ରହିଛି । କୁହାଯାଉଛି ଯେ, ଏଥର ଭାରତ ପାଇଁ ଏହି ଫିଲ୍ମ ନିଶ୍ଚିତ ଭାବେ ଓସ୍କାର ପୁରସ୍କାର ଆଣିବ ।
