ସତ୍ୟଶିଖା ( କଟକ ) ୧୮/୦୯ /୨୦୨୧: ପାରୋଲରେ ଆସି କଏଦୀଙ୍କ ଆତ୍ମହତ୍ୟା । ବେକରେ ଲୁଗା ଲଗାଇ ଆତ୍ମହତ୍ୟା କଲେ ଆଜୀବନ ସଜ୍ଜା କାଟୁଥିବା ବିଚାରଧୀନ କଏଦୀ । ଆତ୍ମହତ୍ୟା କରିଥିବା ବିଚାରଧୀନ କଏଦୀ ଜଣକ ହେଲେ କଟକ ଜିଲ୍ଲା ମାହାଙ୍ଗା ଥାନା ବରାହିପୁର ଗାଁରେ ରାଜକିଶୋର ନାୟକ । ମୃତ କିଶୋର ପୁରୀ କାକଟପୁର ଅଞ୍ଚଳର ହୋଇଥିବା ବେଳେ ଶ୍ଵଶୁର ଘର ବାରାହୀପୁରରେ ଦୀର୍ଘ ବର୍ଷ ହେବ ରହିଆସୁଥିଲେ ।
ସେ ୨୦୦୮ରେ ମାହାଙ୍ଗା ର ତ୍ରିବେଣୀଶ୍ୱର ବଜାରରେ ହୋଇଥିବା ବୋମାମାଡ଼ରେ ଜଣଙ୍କ ହତ୍ୟାରେ ସଂପୃକ୍ତ ଥିବା ଅଭିଯୋଗରେ ସେ ଚୌଦାର ଜେଲରେ ଆଜୀବନ କଏଦୀ ଭାବେ ସଜା କାଟୁଥିଲେ । ଗତ ମେ’ ମାସ ୨୧ ତାରିଖରେ ସେ ଘରକୁ କରୋନା ପାରୋଲରେ ଆସିଥିଲେ । ପାରୋଲ ଶେଷ ପରେ ଆଜି ତାଙ୍କର ଜେଲ ଫେରିବାର ଦିନ ଥିଲା । ହେଲେ ବେକରେ ଏକ ଲୁଗାରେ ଆତ୍ମହତ୍ୟା କରିଥିବା ପରିବାର ପକ୍ଷରୁ ସନ୍ଦେହ କରାଯାଇଛି । ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ମୃତଦେହକୁ ଜବତ କରି ପୋଷ୍ଟମର୍ଟମ ପାଇଁ ପଠାଇଛି ।
