ସମିତି ସଭ୍ୟାଙ୍କ ସ୍ୱାମୀ ଅପହୃତ , ଉଦ୍ଧାର ସ୍କୁଟିରେ ରକ୍ତ ଛିଟା

ସୂଚନା ଅନୁସାରେ, ଢେଙ୍କାନାଳ ସଦର ଥାନା ଅନ୍ତର୍ଗତ କୁମାର ଦେଇପୁର ଗାଁର ଦୀପକ । ସେ ବୁଧବାର ସନ୍ଧ୍ୟାରେ ସ୍କୁଟି ନେଇ ବାହାରକୁ ଯାଇଥିଲେ ହେଲେ ଆଉ ଫେରିନାହାନ୍ତି । ଫଳରେ ତାଙ୍କ ପରିବାର ଲୋକେ ରାତିରେ ଖୋଜାଖୋଜି କରିଥିଲେ ମଧ୍ୟ କୌଣସି ଖବର ପାଇନଥିଲେ । ହେଲେ ଗାଁ ନିକଟରୁ ଦୀପକଙ୍କ ସ୍କୁଟି ଉଦ୍ଧାର ହୋଇଛି ।

ଏହାସହିତ ସ୍କୁଟିରେ ରକ୍ତ ଛିଟା ଲାଗିଛି । ତେବେ ଦୀପକଙ୍କୁ କେହି ଅପହରଣ କରିନେଇଥିବା ପରିବାର ଲୋକେ ଅଭିଯୋଗ କରିଛନ୍ତି । ସେପଟେ ଆସନ୍ତାକାଲି ଭୋଟ ଗ୍ରହଣ ଥିବା ବେଳେ ତାଙ୍କ ସ୍ତ୍ରୀ ଭାରତୀ ଥାନାରେ ଏତଲା ଦେଇଛନ୍ତି । ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଛି ।