ସତ୍ୟଶିଖା ( ଭୁବନେଶ୍ୱର ) ୧୩ .୦୮.୨୦୨୦ : ଟ୍ୱିନ୍ ସିଟିର କୌଣସି ମଣ୍ଡପରେ ହେବ ନାହିଁ ଗଣେଷ ପୂଜା । ଏନେଇ କମିଶନରେଟ୍ ପୋଲିସ ପକ୍ଷରୁ ଟୁଇଟ୍ କରି ସୂଚନା ଦିଆଯାଇଛି । କରୋନା ପାଇଁ ଚଳିତବର୍ଷ ଭୁବନେଶ୍ୱର ଏବଂ କଟକରେ ଗଣେଶ ପୂଜାହେବ ନାହିଁ ବୋଲି କମିଶନରେଟ୍ ପୋଲିସ କହିଛି ।
ସୂଚନାଯୋଗ୍ୟ ଯେ, ଚଳିତ ବର୍ଷ କଟକରେ ଗଣେଶ ପୂଜାର ଆୟୋଜନ କରାଯିବ ନାହିଁ ବୋଲି ପୂର୍ବରୁ ନିଷ୍ପତ୍ତି ନିଆଯାଇଥିଲା । ଉଭୟ କଟକ ଓ ଭୁବନେଶ୍ୱର ମହାନଗର ପୂଜା କମିଟି, ଶାନ୍ତି କମିଟି ଓ କମିଶନରେଟ ପୋଲିସର ମିଳିତ ବୈଠକରେ ନିଷ୍ପତ୍ତି ନିଆଯାଇଛି । କଟକ ଓ ଭୁବନେଶ୍ୱରରେ କରୋନା ସଂକ୍ରମଣ ହୁ ହୁ ହୋଇ ବୃଦ୍ଧି ପାଇବାରେ ଲାଗିଛି ।
ବିଶେଷକରି ସ୍ଥାନୀୟ ବା ଲୋକାଲ ସଂକ୍ରମିତଙ୍କ ସଂଖ୍ୟା ମଧ୍ୟ ବୃଦ୍ଧି ପାଇଛି । ତେଣୁ ଗଣେଶ ପୂଜା ହେଲେ ଲୋକମାନେ ଗୋଟିଏ ସ୍ଥାନରେ ଜମା ହେବାର ଆଶଙ୍କା ରହିଛି । ଏଥିପାଇଁ ସଂକ୍ରମଣ ବୃଦ୍ଧି ପାଇପାରେ ବୋଲି ଆଶଙ୍କା କରାଯାଉଛି । ଲୋକଙ୍କ ସୁରକ୍ଷା ପାଇଁ ଗଣେଶ ପୂଜା ବନ୍ଦ ପାଇଁ ନିଷ୍ପତ୍ତି ଗ୍ରହଣ କରାଯାଇଛି ।
