ନ୍ୟୁଜ୍ରାଜନୀତିରାଜ୍ୟ

ପୂର୍ବତନ ମନ୍ତ୍ରୀ ସେଖ୍‌ ମତଲୁବ ଅଲ୍ଲୀଙ୍କ ପରଲୋକ l

ସତ୍ୟଶିକ୍ଷା (ଭୁବନେଶ୍ୱର) ୨୪.୦୯.୨୦୨୦ : ପୂର୍ବତନ ମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ସେଖ୍ ମତଲୁବ ଅଲ୍ଲୀଙ୍କ ପରଲୋକ ଘଟିଛି । ଚିକିତ୍ସାଧୀନ ଅବସ୍ଥାରେ ଭୁବନେଶ୍ୱରର ଏକ ଘରୋଇ ହସିଟାଲରେ ଆଜି ସକାଳେ ପରଲୋକ ଘଟିଥିବା ତାଙ୍କ ପରିବାର ଲୋକ ସୂଚନା ଦେଇଛନ୍ତି । ଗତ ୧୪ ତାରିଖରେ ଅସୁସ୍ଥତା କାରଣରୁ ହସପିଟାଲରେ ଭର୍ତି ହୋଇଥିଲେ। ମୃତ୍ୟୁ ବେଳକୁ ତାଙ୍କୁ ୭୮ ବର୍ଷ ବୟସ ହୋଇଥିଲା ।୧୯୪୨ ଡିସେମ୍ବର ୧୬ ତାରିଖରେ ଜନ୍ମଗ୍ରହଣ କରିଥିବା ସେଖ୍ ମତଲୁବ୍ ଅଲ୍ଲୀ ମାହାଙ୍ଗା ବିଧାନସଭା ନିର୍ବାଚନ ମଣ୍ଡଳୀରୁ ୪ ଥର ବିଧାନସଭାକୁ ପ୍ରତିନିଧିତ୍ୱ କରିଥିଲେ । ସେ ୧୯୭୪, ୧୯୮୦, ୧୯୮୫ ଏବଂ ୧୯୯୫ରେ ବିଧାୟକ ଭାବେ ନିର୍ବଚିତ ହୋଇଥିଲେ । ସେଖ୍ ମତଲୁବ ଅଲୀ କିଛି ଦିନ କଂଗ୍ରେସ ସରକାରରେ ମନ୍ତ୍ରୀ ପଦ ମଧ୍ୟ ସମ୍ଭାଳି ଥିଲେ । ରାଜନୀତି ସହ ସାହିତ୍ୟ ଓ ସମାଜସେବାରେ ତାଙ୍କର ବଳିଷ୍ଠ ଭୂମିକା ରହିଥିଲା । ରେଭେନ୍ସା ମହାବିଦ୍ୟାଳୟରେ ପଢ଼ୁଥିବା ବେଳେ ରେଭେନ୍ସା ୱେଷ୍ଟ ହଷ୍ଟେଲ ମାଗାଜିନ ‘ଉର୍ମି’ର ସମ୍ପାଦନା କରିଥିଲେ । ଏହା ବ୍ୟତୀତ ସେ କ୍ଷୁଦ୍ରଗଳ୍ପ, ପ୍ରବନ୍ଧ ଏବଂ ସାହିତ୍ୟ ଆଲୋଚନା ପୁସ୍ତକ ଲେଖିଛନ୍ତି । ଏହା ସହ ସେ ସ୍ୱେଚ୍ଛାସେବୀ ସଂଗଠନ ‘ଅକ୍ସଫାମ’ ଏବଂ ‘ସେଭ ଦି ଚିଲଡ୍ରେନ ଫଣ୍ଡ’ରେ ଅନୁଷ୍ଠିତ ଜାତି ଓ ଜନଜାତି ବିକାଶ ପାଇଁ କାର୍ଯ୍ୟ କରିଛନ୍ତି । ତାଙ୍କ ବିୟୋଗରେ ବହୁ ବରିଷ୍ଠ ରାଜନେତାଙ୍କ ସମେତ ଦଳମତ ନିର୍ବିଶେଷର ଅନେକ ନେତା ଗଭୀର ଶୋକ ପ୍ରକାଶ କରିଛନ୍ତି ।

Show More
Back to top button