ସତ୍ୟଶିଖା(ନୂଆଦିଲ୍ଲୀ) ୦୮ .୦୪.୨୦୨୧: ଦେଶରେ ଜାରି ରହିଛି ମହାମାରୀର କାୟା । ଭୟଙ୍କର ରହିଛି ଦେଶରେ କରୋନାର ସ୍ଥିତି । ଗତ 24 ଘଣ୍ଟାରେ ଦେଶରେ 1 ଲକ୍ଷ 26 ହଜାର 789 ନୂଆ ସଂକ୍ରମଣ ଚିହ୍ନଟ ହୋଇଥିବା ବେଳେ 685 ଜଣଙ୍କ ମୃତ୍ୟୁ ହୋଇଛି । ଏହାସହ 59 ହଜାର 258 ଜଣ ଆରୋଗ୍ୟ ହୋଇ ଘରକୁ ଫେରିଛନ୍ତି । ଏନେଇ ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ମିଳିଛି ।
ତେବେ, ଦେଶରେ ନୂଆ ଆକ୍ରାନ୍ତଙ୍କୁ ମିଶାଇ 1 କୋଟି 29 ଲକ୍ଷ 28 ହଜାର 574କୁ ବୃଦ୍ଧି ହୋଇଛି । ସେହିପରି ସକ୍ରିୟ ସଂକ୍ରମିତ ରହିଛନ୍ତି 9 ଲକ୍ଷ 10 ହଜାର 319 । ମୋଟ 1 କୋଟି 18 ଲକ୍ଷ 51 ହଜାର 393 ଜଣ ସୁସ୍ଥ ହୋଇଛନ୍ତି । ମୋଟ ମୃତ୍ୟୁ ସଂଖ୍ୟା 1ଲକ୍ଷ 66 ହଜାର 862 ଛୁଇଁଛି ଥିବା ବେଳେ 9 କୋଟି 1 ଲକ୍ଷ 98 ହଜାର 673 ଜଣଙ୍କୁ ଟୀକାକରଣ କରାଯାଇଛି । ଦେଶରେ ସଂକ୍ରମଣ ଦିନକୁ ଦିନ ବଢୁଥିବା ବେଳେ ମହାରାଷ୍ଟ୍ରରେ ଆକ୍ରାନ୍ତଙ୍କ ସଂଖ୍ୟା ଅନ୍ୟ ରାଜ୍ୟ ତୁଳନାରେ ଅଧିକ ରହିଛି । ଏନେଇ ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ମିଳିଛି ।
