ଶ୍ରମିକଙ୍କ ପାଇଁ ଗଡ଼ିବ ସ୍ୱତନ୍ତ୍ର ଟ୍ରେନ, ଧର୍ମେନ୍ଦ୍ରଙ୍କ ଚିଠି ପରେ କେନ୍ଦ୍ରର ତ୍ୱରିତ ପଦକ୍ଷେପ l

ସତ୍ୟଶିଖା ୯.୦୯.୨୦୨୦ : ଶ୍ରମିକଙ୍କ ପାଇଁ କେନ୍ଦ୍ର ସରକାରଙ୍କ ସ୍ପେସାଲ ଟ୍ରେନ । ଧର୍ମେନ୍ଦ୍ରଙ୍କ ଚିଠି ପରେ ମିଳିଲା ଅନୁମତି । ୧୨ ସେପ୍ଟେମ୍ବରରୁ ଏହି ୩ଟି ନୂଆ ଟ୍ରେନ ଚାଲିବ । ପୁରୀ-ଅହମ୍ମଦାବାଦ, ପୁରୀ-ଗାନ୍ଧୀଧାମ ଓ ପୁରୀ-ଓଖା ମଧ୍ୟରେ ଚାଲିବ ଶ୍ରମିକ ସ୍ପେସାଲ । ପୂର୍ବରୁ ଶ୍ରମିକଙ୍କ ପାଇଁ ଚାଲୁଥିବା ସ୍ୱତନ୍ତ୍ର ଟ୍ରେନ ସହ ଏହା ଯୋଡ଼ି ହେବ । ଏହି ଟ୍ରେନରେ ଓଡ଼ିଶାରୁ ବିଭିନ୍ନ ରାଜ୍ୟକୁ ସହଜରେ ଯାଇପାରିବେ ଶ୍ରମିକ । ଅନୁରୋଧ କରିବାର ଗୋଟିଏ ଦିନରେ ହିଁ ତ୍ୱରିତ ପଦକ୍ଷେପକୁ ଧର୍ମେନ୍ଦ୍ର ପ୍ରଶଂସା କରିଛନ୍ତି । ସେ ଏଥିପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ରେଳମନ୍ତ୍ରୀ ପିୟୁସ ଗୋୟଲଙ୍କୁ ଧନ୍ୟବାଦ ଜଣାଇଛନ୍ତି ।

ଓଡିଶାରୁ ଗୁଜରାଟ, କର୍ଣ୍ଣାଟକ ଏବଂ ମହାରାଷ୍ଟ୍ର ଭଳି ରାଜ୍ୟକୁ ପୁନର୍ବାର ଟ୍ରେନ ଚଳାଇବାକୁ ଅନୁରୋଧ କରିଥିଲେ କେନ୍ଦ୍ରମନ୍ତ୍ରୀ । ଗଞ୍ଜାମ ଜିଲ୍ଲାର ଅନେକ ପ୍ରବାସୀ ଓଡିଆ ଗୁଜରାଟ ଏବଂ ଅନ୍ୟ ରାଜ୍ୟକୁ ରେଳ ସେବା ଚାଲୁ କରିବା ପାଇଁ ଧର୍ମେନ୍ଦ୍ର ଅନୁରୋଧ କରିଥିଲେ । କୋରୋନା ମହାମାରୀ ତଥା ଲକଡାଉନ ଯୋଗୁଁ ଓଡିଶାକୁ ଫେରିଥିଲେ ଲକ୍ଷ ଲକ୍ଷ ସଂଖ୍ୟାରେ ପ୍ରବାସୀ ଓଡିଆ । ଆଉ ସେମାନଙ୍କ ଫେରିବାରେ କେନ୍ଦ୍ର ସରକାରଙ୍କ ପକ୍ଷରୁ ଚଲାଯାଇଥିବା ଶ୍ରମିକ ସ୍ପେସାଲ ଟ୍ରେନର ଥିଲା ଗୁରୁତ୍ୱପୂର୍ଣ୍ଣ ଭୂମିକା । ଓଡ଼ିଶାରେ ଜୀବନଜୀବିକା ଅଭାବ ରହିଛି ଏବଂ ପୁଣି କାର୍ଯ୍ୟକ୍ଷେତ୍ରରେ ଯୋଗଦେବା ପାଇଁ ଯିବାରେ ଅସୁବିଧା ହେଉଛି ପ୍ରବାସୀମାନେ ଦର୍ଶାଇଥିଲେ ।