ସତ୍ୟଶିଖା (କଳାହାଣ୍ଡି) ୨୦/୧୧/୨୦୨୦ : ଆବାସ ଯୋଜନାରେ ଘର ଦେବା ବଦଳରେ ରାତି ବିତାଇବାକୁ ଯୁବତୀଙ୍କୁ ସରପଞ୍ଚ ଚାପ ପ୍ରୟୋଗ କରିଥିଲେ । ଏହି ଘଟଣାରେ ସରପଞ୍ଚଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ୍ । କଳାହାଣ୍ଡି ଜିଲ୍ଲା ମଦନପୁର- ରାମପୁର ଥାନା ସାଲେପାଲି ପଞ୍ଚାୟତରେ ଏଭଳି ଘଟଣା ଦେଖିବାକୁ ମିଳିଥିଲା ।
ସରପଞ୍ଚଙ୍କ ବିରୋଧରେ ସଂଗୀନ ଅଭିଯୋଗ ଆଣିଥିଲେ ସେହି ଅଞ୍ଚଳର ଜଣେ ଯୁବତୀ । ଆବାସ ଯୋଜନାରେ ଘର ଦେବା ବଦଳରେ ଶାରୀରିକ ସଂପର୍କ ରଖିବାକୁ ଯୁବତୀଙ୍କୁ ବାଧ୍ୟ କରିଥିଲେ ସରପଞ୍ଚ । ସରପଞ୍ଚଙ୍କ ସହ ଯୁବତୀ ଫୋନ୍ରେ କଥାବାର୍ତ୍ତାର ଅଡିଓ କଲ ମଧ୍ୟ ହସ୍ତଗତ ହୋଇଥିଲା । ଅଡିଓ କଲ ଆଧାରରେ ମ. ରାମପୁର ପୋଲିସ୍ ତାଙ୍କୁ ଗିରଫ କରି କୋର୍ଟ ଚାଲାଣ କରିଛି ।
