ୟୁରିକ ଏସିଡ୍ରେ ପୀଡ଼ିତ ଥିବା ଲୋକେ ଆମିଷ ଖାଇବାରୁ ଦୂରେଇ ରୁହନ୍ତୁ, ନହେଲେ ହୋଇପାରେ କିଡନୀ ସମସ୍ୟା
ସତ୍ୟଶିଖା( ଭୁବନେଶ୍ୱର )୧୯. ୧୦. ୨୦୨୨: ଅତ୍ୟାଧୁନିକ ଜୀବନଶୈଳୀରେ ବଞ୍ଚିବା ଏବଂ ଖାଦ୍ୟ ପେୟର ପରିବର୍ତ୍ତନ, ଆମେ ଅନେକ ରୋଗକୁ ଆମନ୍ତ୍ରଣ କରିବା ପରି ହେଉଛି। ଫଳରେ ଆମେ ଅନେକ ଦୂରାରୋଗର ଶିକାର ହେଉଛୁ। ଯାହାକୁ ଭଲ କରିବା ପାଇଁ ମେଡିକାଲ ସାଇନ୍ସ ମଧ୍ୟ ଫେଲ ମାରୁଛି। ଏହି କ୍ରମରେ ବର୍ତ୍ତମାନ ଅଧିକାଂଶ ଲୋକଙ୍କ ନିକଟରେ ୟୁରିକ୍ ଏସିଡ୍ ସମସ୍ୟା ଦେଖାଯାଉଛି। ଏହି ସମସ୍ୟାରେ ପୀଡିତ ଥିବା ଲୋକଙ୍କ ଶରୀରରେ ପ୍ରୋଟିନର ମାତ୍ରା ଅଧିକ ବଢିଯାଇଥାଏ।
ଶରୀରରେ ୟୁରିକ୍ ଏସିଡ୍ ମାତ୍ରା ବଢ଼ିବା ଦ୍ୱାରା ଡାଇବେଟିସ୍, ହୃଦରୋଗ ଏବଂ କିଡନୀ ସମସ୍ୟା ଭଳି ଗୁତୁତର ରୋଗ ହେବାର ଆଶଙ୍କା ଦେଖାଦେଉଛି। ଏପରି ସ୍ଥିତିରେ ଯଦି ଆମେ ଡାକ୍ତରଙ୍କ ବିନା ପରାମର୍ଶରେ କୌଣସି ଖାଦ୍ୟ ପାନୀୟ ଗ୍ରହଣ କରିବା, ତେବେ ଏହା ଆମ ପାଇଁ ବିପଦ ଆଣିପାରେ। ଏଭଳି ସମସ୍ୟାରୁ ବର୍ତ୍ତିବା ପାଇଁ ଆପଣଙ୍କୁ ଖାଦ୍ୟ ଶୃଙ୍ଖଳାକୁ ଧ୍ୟାନ ଦେବା ନିତ୍ୟାନ୍ତ ଆବଶ୍ଯକ। ତେବେ ଆପଣ ଯାଣିଛନ୍ତି କି? ଏହି ସମୟରେ ଆମିଷ ଭଜନ କରିବା ଦ୍ୱାରା ଆପଣଙ୍କ ଶରୀରେ ୟୁରିକ୍ ଏସିଡ୍ର ମାତ୍ରା ବୃଦ୍ଧି ପାଇଥାଏ। ତେଣୁ ଯଥା ସମ୍ଭବ ଏଥିରୁ ଦୂରେଇ ରୁହନ୍ତୁ।
– ଆମିଷରେ ଅଧିକ ପ୍ରୋଟିନ୍ ଥାଏ ଯାହା ଆମ ଶରୀରରେ ୟୁରିକ୍ ଏସିଡ୍କୁ ଅଧିକ ସୃଷ୍ଟି କରିଥାଏ। ଏହାଦ୍ୱାରା କିଡନୀ ଏବଂ ଲିଭରରେ ସମସ୍ୟା ଦେଖାଯାଏ।
– ୟୁରିକ୍ ଏସିଡ୍ର ମାତ୍ରା ପୁରୁଷଙ୍କ ଶରୀରରେ ୪ରୁ ୬.୫ମିଲିଗ୍ରାମ୍ ରହିଥିବା ବେଳେ ମହିଳାଙ୍କ ଠାରେ ୩.୫ରୁ ୬ ମିଲିଗ୍ରାମ୍ ଯାଏଁ ରହିଥାଏ। ଏହାଠାରୁ ଅଧିକ ହେଲେ ଶରୀରରେ ବିଭିନ୍ନ ପ୍ରକାର ସମସ୍ୟା ଦେଖାଯାଏ।
ୟୁରିକ୍ ଏସିଡ୍ର ଲକ୍ଷଣ:
– ୟୁରିକ୍ ଏସିଡ୍ ହେଲେ ଆଣ୍ଠୁ ଗଣ୍ଠି ଯନ୍ତ୍ରଣା ହୋଇଥାଏ। ହାତର ଗଣ୍ଠି ସ୍ଥାନରେ ମଧ୍ୟ ଯନ୍ତ୍ରଣା ହୋଇଥାଏ। ଏହାର ମାତ୍ରା ଅଧିକ ହେଲେ କିଡନୀରେ ଷ୍ଟୋନ ହେବାର ମଧ୍ୟ ଆଶଙ୍କା ରହିଥାଏ। ତେଣୁ ଡାକ୍ତରଙ୍କ ପରାମର୍ଶରେ ମଝିରେ ମଝିରେ ରକ୍ତ ପରୀକ୍ଷା କରାଇ ନିଅନ୍ତୁ।
– ୟୁରକ୍ ଯୁକ୍ତ ଖାଦ୍ୟ ଓ ମୃଦୁ ପାନୀୟ ଠାରୁ ଦୂରେଇ ରୁହନ୍ତୁ। ପ୍ରତିଦିନ ବ୍ୟାମ କରନ୍ତୁ ଏବଂ ଓଜନ ନିୟନ୍ତ୍ରଣ ରଖନ୍ତୁ
– ଦିନରେ ଅତି କମ୍ରେ ୩ରୁ ୪ ଲିଟର ପାଣି ପିଅନ୍ତୁ। ଏହାଦ୍ୱାରା ଆପଣଙ୍କ ଶରୀରରେ ୟୁରିକ୍ ଏସିଡ୍ର ମାତ୍ରା କମିଥାଏ।
