ସତ୍ୟଶିଖା(ନୂଆଦିଲ୍ଲୀ )୦୫.୦୨.୨୦୨୨ : ଭୂମିକମ୍ପରେ ଥରିଲା ରାଜଧାନୀ ନୂଆଦିଲ୍ଲୀ । ଆଜି ଦିଲ୍ଲୀର ଏନସିଆରରେ ଭୂମିକମ୍ପ ହୋଇଛି । ସକାଳ ୯ଟା ୪୫ ମିନିଟରେ ଏହି ଭୂମିକମ୍ପ ହୋଇଥିଲା । ଦିଲ୍ଲୀ-ଏନସିଆରରେ ଲୋକମାନେ ପ୍ରାୟ ୧୫ରୁ ୨୦ ସେକେଣ୍ଡ ପାଇଁ ଭୂମିକମ୍ପ ଅନୁଭବ କରିଥିଲେ । ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୫.୭ ରହିଥିବା ଜଣାପଡ଼ିଛି । ତେବେ ଭୂମିକମ୍ପରେ କୌଣସି କ୍ଷୟକ୍ଷତି ହୋଇଥିବା ସୂଚନା ମିଳିପାରିନାହିଁ । ଖାଲି ରାଜଧାନୀ ଦିଲ୍ଲୀ ନୁହେଁ ଦିଲ୍ଳୀ ସହ ଜାମ୍ମୁ-କାଶ୍ମୀର ଓ ହରିଆଣାରେ ମଧ୍ୟ ଭୂମିକମ୍ପ ହୋଇଛି । ଜାମ୍ମୁ କାଶ୍ମୀରରେ ଭୂକମ୍ପର ପ୍ରବଳ କମ୍ପନ ଅନୁଭୂତ ହୋଇଥିଲା । ନୋଏଡାର ଲୋକମାନେ ମଧ୍ୟ ଭୂକମ୍ପର ଅନୁଭବ କରିଥିଲେ। ଭୂମିକମ୍ପର କେନ୍ଦ୍ରସ୍ଥଳ ଆଫଗାନିସ୍ତାନ-ତାଜିକସ୍ତାନ ସୀମା ହୋଇଥିବା ସୂଚନା ମିଳିଛି ।
