ନ୍ୟୁଜ୍ରାଜ୍ୟ

ରାଜଧାନୀରେ ଲୁଟେରାଙ୍କ ଉତ୍ପାତ,ଦିନ ୧୦ଟା ବେଳେ ଚଳନ୍ତା ମୋ ବସ୍‌ରୁ ମୋବାଇଲ ଓ ପର୍ସ ଚୋରି

ସତ୍ୟଶିଖା( ଭୁବନେଶ୍ୱର )୨୫.୦୨.୨୦୨୨ : ରାଜଧାନୀରେ ଦିନକୁ ଦିନ ଲୁଟେରାମାନଙ୍କ ଉତ୍ପାତ ବଢ଼ିବାରେ ଲାଗିଥିଲେବି ପୋଲିସ ଏହାକୁ ରୋକିବାରେ ସଂପୂର୍ଣ୍ଣ ଅକ୍ଷମ ହୋଇପଡ଼ିଛି । ରାସ୍ତା ଘାଟ ଏପରିକି ଚଳନ୍ତା ଗାଡ଼ିରେବି ଲୁଟେରା ମାନଙ୍କ ଉପସ୍ଥିତି ସାଧାରଣ ଜନତାଙ୍କୁ ଆତଙ୍କିତ କରି ପକାଇଛି । ଆଜି ଦିନ ୧୦ଟା ସମୟରେ ରସୁଲଗଡ଼ ହୋଇ ସାଇମନ୍ଦିର ଯାଉଥିବା ମୋ ବସ୍‌କୁ ଅପେକ୍ଷା କରିଥିବା କିଛି ଯାତ୍ରୀ ଉଠିଥିଲେ । ମାତ୍ର କେତେମିଟର ଦୂରତା ଏକ୍ସପ୍ଲାନେଡ୍ ପାଖରେ ଦୁଇଜଣ ଯୁବତୀ ଦେଖିଲେ ତାଙ୍କ ବ୍ୟାଗ୍‌ରୁ କେହି ମୋବାଇଲ ଓ ପର୍ସ ଚୋରି କରିନେଇଛି । ଜଣକର ମୋବାଇଲ ଓ ପର୍ସ ନଥିବାବେଳେ ଆଉଜଣଙ୍କର ବ୍ୟାଗ୍ ଚେନ୍ ଖୋଲାଥିଲା । ଉଭୟଙ୍କର ବ୍ୟାଗ୍‌ରୁ ମୋବାଇଲ ଚୋରି ହୋଇଯାଇଥିଲା । ଜଣେ ଯୁବତୀର ପର୍ସ ବି ନଥିଲା । ଘଟଣାକୁ ନେଇ ମଂଚେଶ୍ୱର ଥାନାରେ ଏଫ୍‌ଆଇଆର୍ ନଂ୨୪୦/୨୫.୦୨.୨୦୨୨ ମାମଲା ରୁଜୁ କରାଯାଇଛି । ସୂଚନାଯୋଗ୍ୟଯେ ଚଳନ୍ତା ଗାଡ଼ିରେ ଏଭଳି ଘଟଣା ଦୈନନ୍ଦିନ ଘଟି ଆସୁଥିଲେବି ପୋଲିସର ଏ ଦିଗରେ କାର୍ଯ୍ୟାନୁଷ୍ଠାନ ଶୂନ ବୋଲି ଜଣାପଡ଼ିଛି । ଥାନା ପକ୍ଷରୁ ମୋବାଇଲ ଟ୍ରାକିଂ କାଳରେ ଜଣକର ମୋବାଇଲ ମାର୍କେଟବିଲ୍ଡିଂ ନିକଟରେ ଟ୍ରାକ୍ ହୋଇଥିବାବେଳେ କିଛି ସମୟ ପରେ ଏହା କଟକରେ ଟ୍ରାକ୍ ହୋଇଥିଲା ।

Show More
Back to top button