ସତ୍ୟଶିଖା,(ସମ୍ବଲପୁର) ୨୩.୦୩ .୨୦୨୧ : ଭୀମସାରରେ ରାଗିଂ ଘଟଣାରେ କାର୍ଯ୍ୟାନୁଷ୍ଠାନ ସ୍ୱରୂପ ୧୮ ଜଣ ଛାତ୍ରଙ୍କୁ ୫୪ ହଜାର ଟଙ୍କା ଫାଇନ୍ କରାଯାଇଥିବା ସୂଚନ ମିଳିଛି । ଏନେଇ ସୂଚନା ଦେଇଛନ୍ତି ଭୀମସାର ଅଧ୍ୟକ୍ଷା ଡାକ୍ତର ଜୟଶ୍ରୀ ଦୋରା । ଘଟଣାର ତଦନ୍ତ ପରେ ଏହି କାର୍ଯ୍ୟାନୁଷ୍ଠାନ ନେଇଛନ୍ତି କର୍ତ୍ତୃପକ୍ଷ । ତେବେ ଏହା ରାଗିଂ ନୁହେଁ ବରଂ ମାଇଲ୍ଡ ରାଗିଂ ବୋଲି ସେ କହିଛନ୍ତି । ଛାତ୍ରମାନେ କୌଣସି କାର୍ଯ୍ୟକ୍ରମ କରିବା ପାଇଁ ଯାଇଥିଲେ, ତେବେ ତାଙ୍କ ଭିତରେ ସାଂସ୍କୃତିକ କାର୍ଯ୍ୟକ୍ରମରେ ବିଭାଗ ବଣ୍ଟନ ବା ନାଚ ଗୀତର ଦାୟିତ୍ବ ବଣ୍ଟନକୁ ନେଇ ଯାହା ଘଟିଛି ତାକୁ ସେମାନେ ରାଗିଂ ଅନୁଭବ କରିଛନ୍ତି ବୋଲି ଅଧ୍ୟକ୍ଷା କହିଛନ୍ତି ।
ଉଲ୍ଲେଖଯୋଗ୍ୟ ଯେ, କିଛି ଦିନ ପୂର୍ବେ ଏମ୍ବିବିଏସ୍ ଚତୁର୍ଥ ବର୍ଷର ଛାତ୍ର ଏମ୍ବିବିଏସ୍ର ୨ୟ ବର୍ଷ ଛାତ୍ରଙ୍କ ହଷ୍ଟେଲରେ ପଶି ଗାଳିଗୁଲଜ କରିଥିଲେ । ଫଳରେ ୨ୟ ବର୍ଷର ଛାତ୍ରମାନେ କର୍ତ୍ତୃପକ୍ଷଙ୍କୁ ଜଣାଇଥିଲେ । ତେବେ ଚତୁର୍ଥ ବର୍ଷର ଛାତ୍ରମାନେ କର୍ତ୍ତୃପକ୍ଷଙ୍କୁ କାହିଁକି ଜଣାଇଲେ କହି ବୁଧବାର ବିଳମ୍ବିତ ରାତିରେ ଛାତ୍ରାବାସର ୪ ଓ ୬ ନମ୍ବର ରୁମକୁ ପୁଣି ପଶିଥିଲେ । ସେଠାରେ ଶୋଇଥିବାବେଳେ କିଛି ଛାତ୍ରଙ୍କୁ ଅର୍ଧନଗ୍ନ କରି ମାଡ ମାରିଥିବାର ଅଭିଯୋଗ ହୋଇଥିଲା । ଘଟଣା ସମ୍ପର୍କରେ କର୍ତ୍ତୃପକ୍ଷଙ୍କ ନିକଟରେ ଅଭିଯୋଗ କରାଯାଇଛି । ତେବେ ମାମଲାର ତଦନ୍ତ ଆରମ୍ଭ ହୋଇଥିବା ଭୀମ୍ସାର ଅଧ୍ୟକ୍ଷ ଡାକ୍ତର ଜୟଶ୍ରୀ ଦୋରା କହିଥିଲେ ।
