ଶ୍ରୀନଗର: ଆତଙ୍କବାଦୀମାନେ କଶ୍ମୀରର ବାନ୍ଦିପୋରାରେ ବିଜେପି ନେତା ଶେଖ ୱାସିମ ବରୀଙ୍କୁ ଗୁଳି କରି ହତ୍ୟା କରିଛନ୍ତି। ବୁଧବାର ରାତି ପ୍ରାୟ ୯ଟା ସମୟରେ ବାନ୍ଦିପୁର ପୁଲିସ ଷ୍ଟେସନ ନିକଟରେ ଥିବା ତାଙ୍କ ଦୋକାନ ବାହାରେ ଉପସ୍ଥିତ ଥିବାବେଳେ ଆତଙ୍କବାଦୀମାନେ ବିଜେପି ନେତାଙ୍କ ଉପରରୁ ଗୁଳି ଚଳାଇଥିଲେ। ପାଖରେ ଥିବା ୱାସିମ ବରୀଙ୍କ ବାପା ବଶୀର, ଭାଇ ଓମାର ସୁଲତାନ ମଧ୍ୟ ଗୁଳିର ଶିକାର ହୋଇଛନ୍ତି। ସମସ୍ତଙ୍କର ମୃତ୍ୟୁ ଘଟିଥିବା କହିଛନ୍ତି ଡିଜିପି ଦିଲବାଗ ସିଂହ। ଶେଖ ଓ୍ୱାସିମ ବରୀ ବାନ୍ଦିପୋର ଜିଲ୍ଲାର ପୂର୍ବତନ ବିଜେପି ସଭାପତି।
#Terrorists fired upon BJP worker Wasim Bari at #Bandipora. During indiscrimnate firing Wasim Bari, his father Bashir Ahmad and his brother Umer Bashir got injured and shifted to hospital but unfortunately all the three #succumbed to their injuries. @JmuKmrPolice
— Kashmir Zone Police (@KashmirPolice) July 8, 2020
ଓ୍ୱାସିମଙ୍କ ବାପା ଓ ଭାଇ ଗୁଳିର ଶିକାର ହୋଇ ଆହତ ହୋଇଥିଲେ। ଏହାପରେ ଉଭୟଙ୍କୁ ବାନ୍ଦିପୋରାରେ ଥିବା ହସ୍ପିଟାଲକୁ ନିଆଯାଇଥିଲା। ସେଠାରେ ତାଙ୍କର ମୃତ୍ୟୁ ଘଟିଥିବା ଜଣାପଡ଼ିଛି। ଘଟଣାସ୍ଥଳରେ ସୁରକ୍ଷାକର୍ମୀ ଏବଂ ପୁଲିସ ପହଞ୍ଚିଥିବା ଜଣାପଡ଼ିଛି। ପୂର୍ବତନ ମୁଖ୍ୟମନ୍ତ୍ରୀ ଓମାର ଅବଦୁଲା ଟୁଇଟ୍ କରି ଘଟଣାକୁ ନିନ୍ଦା କରିଛନ୍ତି।
ଆହୁରି ପଢ଼ନ୍ତୁ
Sorry to hear about the murderous terror attack on the BJP functionaries & their father in Bandipore earlier this evening. I condemn the attack. My condolences to their families in this time of grief. Sadly the violent targeting of mainstream political workers continues unabated.
— Omar Abdullah (@OmarAbdullah) July 8, 2020
ଜୁନ୍ ମାସ ଆରମ୍ଭରେ ଦକ୍ଷିଣ କଶ୍ମୀରର ଅନନ୍ତନାଗରେ ଆତଙ୍କବାଦୀମାନେ କଶ୍ମୀରୀ ପଣ୍ଡିତ ସରପଞ୍ଚ ଅଜୟ ପଣ୍ଡିତାଙ୍କୁ ଗୁଳି କରି ହତ୍ୟା କରିଥିଲେ। କଶ୍ମୀରରେ ଆତଙ୍କବାଦର ଜିହାଦୀ ସଂଗଠନ ରେଜିଷ୍ଟ୍ରେସନ ଫ୍ରଣ୍ଟ (ଟିଆରଏଫ) କରିଥିବା ଜଣାପଡ଼ିଛି। ଗତ ୧୭ ବର୍ଷ ମଧ୍ୟରେ ଘାଟିରେ ଆତଙ୍କବାଦୀମାନେ କଶ୍ମୀରୀ ପଣ୍ଡିତଙ୍କୁ ହତ୍ୟା କରିବାର ଏହା ପ୍ରଥମ ଘଟଣା ଥିଲା। ସରପଞ୍ଚ କଂଗ୍ରେସ ଦଳ ସହ ଜଡିତ ଥିଲେ।ଅଜୟ ପଣ୍ଡିତାଙ୍କ ହତ୍ୟାକୁ ସମସ୍ତ ଦଳର ନେତାମାନେ ନିନ୍ଦା କରିଥିଲେ।
ଆହୁରି ପଢ଼ନ୍ତୁ
[ad_2]
