ସତ୍ୟଶିଖା( ନୂଆଦିଲ୍ଲୀ )୦୧.୦୬. ୨୦୨୨ : ଜୁନ୍ ପହିଲାରୁ ବ୍ୟବସାୟୀଙ୍କୁ ମିଳିଛି ସାମାନ୍ୟ ଆଶ୍ୱସ୍ତିକର ଖବର । ଶସ୍ତା ହେଲା କମର୍ସିଆଲ ଗ୍ୟାସ ଦର । ୧୯ କେଜି ଏଲପିଜି ସିଲିଣ୍ଡର ଦାମ ୧୩୫ ଟଙ୍କା ହାସ ପାଇଛି । ନୂଆ ଦର ଆଜିଠାରୁ ସମଗ୍ର ଦେଶରେ ଲାଗୁ ହେବ। ତେବେ ଘରୋଇ ଏଲପିଜି ସିଲିଣ୍ଡର ଦାମରେ କୌଣସି ପରିବର୍ତ୍ତନ ହୋଇ ନ ଥିବାରୁ ଖାଉଟିଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି।
ଦିଲ୍ଲୀରେ ୧୯ କେଜିଆ କମର୍ସିଆଲ ଏଲପିଜି ଗ୍ୟାସ୍ ସିଲିଣ୍ଡର ପିଛା ୨,୩୫୪ ଟଙ୍କାରେ ବିକ୍ରୟ ହେଉଥିବା ଏବେ ତାହା ୨,୨୧୯ ଟଙ୍କାରେ ବିକ୍ରୟ ହେବ । ସେହିପରି କୋଲକତାରେ କମର୍ସିଆଲ ସିଲିଣ୍ଡର ପିଛା ୨୪୫୪ ଥିବା ବେଳେ ଏବେ ତାହା ୨୩୨୨କୁ ଖସି ଆସିଛି। ମୁମ୍ବାଇରେ ପୂର୍ବରୁ ଥିବା ଦାମ ୨୩୦୬ ଖସି ୨୧୭୦.୫୦ ଟଙ୍କାରେ ପହଞ୍ଚିଛି। ଚେନ୍ନାଇରେ ୧୯ କେଜିଆ କମର୍ସିଆଲ ଏଲପିଜି ସିଲିଣ୍ଡର ଦାମ ୨୫୦୭ ଟଙ୍କାରୁ ୨୩୭୩ରେ ପହଞ୍ଚିଛି।