ସତ୍ୟଶିଖା (ଭୁବନେଶ୍ୱର ) ୧୫.୧୨.୨୦୨୨ : ସାଂଘାତିକ ସ୍ତରରେ ରାଜଧାନୀରେ ବଢ଼ିଚାଲିଛି ବାୟୁ ପ୍ରଦୂଷଣ। ଗତ 8 ବର୍ଷ ଧରି ଲଗାତାର ବଢିଚାଲିଛି ପ୍ରଦୂଷଣ ସ୍ତର। 2015ରେ ଭୁବନେଶ୍ବରର ଏୟାର କ୍ବାଲିଟି ଇଣ୍ଡେକ୍ସ 83 ଥିବା ବେଳ ଏବେ 2022ରେ ଏହା 110 ଉପରେ ରହିଛି। ପ୍ରଦୂଷଣ ସହିତ ବାୟୁରେ ପିଏମ୍ 10 ପଦାର୍ଥ କଣିକା ମଧ୍ୟ ବଢି ଚାଲିଛି। ଯାହାଦ୍ବାରା କ୍ୟାନସର ଭଳି ରୋଗର ଆଶଙ୍କା ବୃଦ୍ଧି ପାଇଛି।
ଅନିୟନ୍ତ୍ରିତ ନିର୍ମାଣ କାର୍ଯ୍ୟ, ଶିଳ୍ପ ସଂସ୍ଥାଗୁଡ଼ିକ ପ୍ରଦୂଷଣ ନିୟନ୍ତ୍ରଣ ବୋର୍ଡର ନିୟମ ପାଳନନକରିବା, ଗାଡ଼ି ସଂଖ୍ୟା ବୃ୍ଦ୍ଧି ଏବଂ ବର୍ଜ୍ୟବସ୍ତୁ ପରିଚାଳନା ନହେବା ପ୍ରଦୂଷଣ ବୃଦ୍ଧିର ମୁଖ୍ୟ କାରଣ । ପରିବେଶକୁ କ୍ଷତି ପହଞ୍ଚାଇବା ଭଳି ବହୁ ବେଆଇନ କାର୍ଯ୍ୟ ଚାଲିଥିବା ବେଳେ ପ୍ରଦୂଷଣ ନିୟନ୍ତ୍ରଣ ବୋର୍ଡ କାହିଁକି ଚୁପ ବସିଛି ସେ ନେଇ ଉଠିଛି ପ୍ରଶ୍ନ। ଯଦି ଏପରି ଧାରା ଜାରି ରୁହେ ତେବେ ଭୁବନେଶ୍ବରରେ ଦିଲ୍ଲୀ ଭଳି ସ୍ଥିତି ଉତ୍ପନ୍ନ ହେବାକୁ ଆଉ ବେଶୀ ଦିନ ଲାଗିବ ନାହିଁ।
