ନୂଆଦିଲ୍ଲୀ: ଭାରତୀୟ ପାଣିପାଗ ବିଭାଗର ସୂଚନା ତାଲିକାରେ ଏବେ ସ୍ଥାନ ପାଇଛି ପାକ୍ ଅଧିକୃତ କଶ୍ମୀର ଏବଂ ଗିଲଗିଟ୍ ବଲଟିସ୍ତାନ। ଏସବୁ ଅଞ୍ଚଳ ଭାରତର ବୋଲି ଦାବି କରାଯାଉଥିଲେ ହେଁ ପ୍ରଥମ ଥର ପାଇଁ ଭାରତ ଅଭିନବ ଉପାୟରେ ନିଜ ହକ୍ ଜାହିର କରିଛି। ପାଣିପାଗର ଏକ ସବଡିଭିଜିନ୍ରେ ଜମ୍ମୁ-କଶ୍ମୀର ଓ ଲଦାଖ ସହ ଗିଲିଗଟ୍-ବଲଟିସ୍ତାନ ଏବଂ ମୁଜାଫରାବାଦ ସ୍ଥାନ ପାଇଛି।
ଆହୁରି ପଢ଼ନ୍ତୁ
ସୂଚନାଯୋଗ୍ୟ ଯେ, ମୁଜାଫରାବାଦ ପିଓକେର ଏକ ସହର। ଏହି ସହର ପାକିସ୍ତାନ ବେଆଇନ ଭାବେ ଦଖଲ କରିଥିବା କଶ୍ମୀର ବା ପିଓକେରେ ଅଛି। ମଙ୍ଗଳବାରଠାରୁ ଏହି ପରିବର୍ତ୍ତନ ଅଣାଯାଇଛି। ନୂଆଦିଲ୍ଲୀରୁ ପରିଚାଳିତ ଆଇଏମ୍ଡି ପକ୍ଷରୁ ଏପରି ପରିବର୍ତ୍ତନ କରାଯାଇଛି।
ଏହା ପୂର୍ବରୁ ଗତ ମାସ ୩୦ ତାରିଖରେ ପାକିସ୍ତାନର ସର୍ବୋଚ୍ଚ ନ୍ୟାୟାଳୟ ସେଠାକାର ସରକାରଙ୍କୁ ଅନୁମତି ଦେଇଥିଲେ ଗିଲଗିଟ୍-ବଲଟିସ୍ତାନରେ ନିର୍ବାଚନ ହେବ। ଏହାକୁ ଭାରତ କଡ଼ା ବିରୋଧ କରିଥିଲା। ଭାରତୀୟ ବୈଦେଶିକ ମନ୍ତ୍ରଣାଳୟ ପକ୍ଷରୁ କୁହାଯାଇଥିଲା, ଏହି ଅଞ୍ଚଳକୁ ପାକିସ୍ତାନ ବେଆଇନ ଭାବେ ଦଖଲ କରିଛି।
