ସତ୍ୟଶିଖା(ଭୁବନେଶ୍ୱର ) ୨୨.୧୨.୨୦୨୧: ଭୁବନେଶ୍ବରରେ ଦୁଇ ନାବାଳିକା ଛାତ୍ରୀଙ୍କୁ ଟ୍ୟୁସନ ସାର ଅପହରଣ କରିନେବା ଅଭିଯୋଗରେ ବନ୍ଧା ହେଲା ରସିକିଆ ଟ୍ୟୁସନ ମାଷ୍ଟର । ଟ୍ୟୁସନ ସାର୍ ଗୋପାଳ କୃଷ୍ଣ ବଡତ୍ୟାଙ୍କୁ ସମ୍ବଲପୁର ଅଇଁଠାପାଲ୍ଲୀ ଅଞ୍ଚଳରୁ ପୋଲିସ ଗିରଫ କରିଛି । ଅପହରଣ ହୋଇଥିବା ଦୁଇ ଛାତ୍ରୀଙ୍କୁ ବଡଗଡ ପୋଲିସ ଉଦ୍ଧାର କରିଛି ।
ଗତ ରବିବାର ୨ ଛାତ୍ରୀଙ୍କୁ ନେଇ ଟ୍ୟୁସନ ମାଷ୍ଟର ଫେରାର ହୋଇଯାଇଥିଲେ । ପ୍ରତିଶୋଧ ପରାୟଣ ହୋଇ ସାର୍ ଏମିତି କରିଥିବା ପରିବାର ଲୋକ ଅଭିଯୋଗ କରିଥିଲେ । ପରିବାର ଲୋକଙ୍କ ଅଭିଯୋଗ ଅନୁସାରେ ଗୋପାଳକୃଷ୍ଣ ବଡତ୍ୟା ନାମକ ଜଣେ ଯୁବକ ୨ ନାବାଳିକା ଭଉଣୀଙ୍କୁ ଟ୍ୟୁସନ କରୁଥିଲେ । ହେଲେ ନିର୍ଦ୍ଧାରିତ ସମୟଠାରୁ ଅଧିକ ସମୟ ଟ୍ୟୁସନ କରିବାରୁ ସନ୍ଦେହ କରିଥିଲେ ପରିବାର ନାବାଳିକାଙ୍କ ପରିବାର ଲୋକେ । ଆଉ ୨ ଭଉଣୀଙ୍କୁ ଆଉ ଟ୍ୟୁସନ ଛାଡ଼ିବାକୁ ମନା କରିଥିଲେ । ହେଲେ ଏଥିରେ ରାଗି ଯାଇ ସଂପୃକ୍ତ ଟ୍ୟୁସନ ମାଷ୍ଟର ଜଣକ ଧମକ ଚମକ ଦେଇଥିବା ପରିବାର ଲୋକ ଅଭିଯୋଗ କରିଥିଲେ । ଅଭିଭାବକଙ୍କ ଅଗୋଚରରେ ଦୁଇ ଭଉଣୀଙ୍କୁ ନେଇ ସଂପୃକ୍ତ ଟ୍ୟୁସନ ମାଷ୍ଟ୍ରର ଜଣକ କୁଆଡେ ଫେରାର ହୋଇଯାଇଥିବା ଥାନାରେ ଅଭିଯୋଗ ହୋଇଥିଲା ।
ଏନେଇ ଥାନାରେ ମାମଲା ପରେ ସଂପୃକ୍ତ ଶିକ୍ଷକଙ୍କ ସହ ଦୁଇ ନାବାଳିକାଙ୍କୁ ଖୋଜିବାକୁ ପ୍ରୟାସ କରିଥିଲା କମିଶନରେଟ୍ ପୋଲିସ । ତେବେ ଘରୁ ଗଲା ବେଳେ ଦୁଇ ଭଉଣୀ ଏକ ହାତ ଲେଖା ଚିଠି ଛାଡ଼ି ଯାଇଥିଲେ । ଯେଉଁଥିରେ ସେମାନେ ୮ ଦିନ ପରେ ଫେରି ଆସିବେ ବୋଲି ଲେଖିଥିଲେ । ସଂପୃକ୍ତ ଶିକ୍ଷକଙ୍କୁ ଧରିବାକୁ ତନାଘନା ଚଳାଇଥିଲା ପୋଲିସ । ଟ୍ୟୁସନ ସାର୍ ଙ୍କୁ ସମ୍ବଲପୁର ଅଇଁଠାପାଲ୍ଲୀରୁ ପୋଲିସ ଗିରଫ କରିଥିବା ବେଳେ ଅପହରଣ ଦୁଇ ଛାତ୍ରୀଙ୍କୁ ବଡଗଡ ପୋଲିସ ଉଦ୍ଧାର କରିଛି ।
