ସତ୍ୟଶିଖା( ଭୁବନେଶ୍ୱର )୩୧.୧୦.୨୦୨୨:
ଆପଣ ଜାଣନ୍ତିକି ଆପଣଙ୍କ ଘରଟି କୌଣସି ମିନି ଡାକ୍ତରଖାନା ଠାରୁ କମ୍ ନୁହେଁ । କାରଣ ଏହି ଘରେ ଆପଣ ଦୈନନ୍ଦିନ ବ୍ୟବହାର କରି ଆସୁଥିବା ଏମିତି କିଛି ଜିନିଷ ରହିଛି, ଯାହୌାକି ଆପଣଙ୍କ ସ୍ୱାସ୍ଥ୍ୟକୁ ସୁସ୍ଥ ରଖିବାରେ ସହାୟକ ହେ।।ଇଥାଏ । ତାହାଲେ ଜାଣନ୍ତୁ ସେହି ଜିନିଷ ଗୁଡ଼ିକ କ’ଣ?
ଡାଲଚିନି: ଓଜନ ହ୍ରାସ କରିବା ପାଇଁ ଡ଼ାଲଚିନି ବେଶ ସହାୟକ ହୋଇଥାଏ । ଏଥିରେଥିବା ପୋଷକ ତତ୍ୱ ଓଜନ ହ୍ରାସ କରିଥାଏ ।
ସଠିକ ମାତ୍ରାରେ ଭୋକ ହେବା, ରକ୍ତରେ ଶର୍କରାର ମାତ୍ରାକୁ ନିୟନ୍ତ୍ରିତ କରିଥାଏ । ମାତ୍ର ନିଜ ଓଜନକୁ ହ୍ରାସ କରିବା ପାଇଁ ନିୟମିତ ଏହି ଉପାୟରେ ଡ଼ାଲଚିନିର ବ୍ୟବହାର କରନ୍ତୁ ।
ନିୟମିତ ପାଣିରେ ଡାଲଚିନି ପକାଇ ଚା\’ ପ୍ରସ୍ତୁତ କରନ୍ତୁ । ଏଥିରେ ସାମାନ୍ୟମହୁ ମିଶାଇ ପିଅନ୍ତୁ । ଏହା ଓଜନ ହ୍ରାସ କରିଥାଏ ।
ନିଜ ଜୁସରେ ଡ଼ାଲଚିନି ଗୁଣ୍ଡ ପକାଇ ପିଇବା ଦ୍ୱାରା ମଧ୍ୟ ଓଜନ ହ୍ରାସରେ ସହାୟକ ହୋଇଥାଏ ।
ରସୁଣ : ରସୁଣ ଶରୀରକୁ ଉଷ୍ଣ ରଖିବାରେ ସାହାଯ୍ୟ କରେ । ଏଥିରେ ଆଂଟି- ଅକ୍ସିଡ଼ାଂଟ, ଆଂଟି-ଇନଫ୍ଲେମେଟ୍ରୀ, ଆଂଟିି-ବ୍ୟାକ୍ଟେରିୟଲ ଗୁଣ ରହିଛି । ଏହା ବିଭିନ୍ନ ବ୍ୟାକ୍ଟେରିଆ ସଂକ୍ରମଣକୁ ଶରୀରରୁ ଦୂରେଇ ରଖେ । ରୋଗ ପ୍ରତିରୋଧକ ଶକ୍ତି ବୃଦ୍ଧି କରିଥାଏ ।
ହଳଦୀ ଖିର : ଆୟୁର୍ବେଦରେ ହଳଦୀକୁ ଔଷଧ ରୂପେ ବ୍ୟବହାର କରାଯାଏ ।
ଏହା ଶରୀରକୁ ବିଭିନ୍ନ ସଂକ୍ରମଣରୁ ଦୂରେଇ ରଖେ । ହଳଦୀକୁ ଖିରରେ ମିଶାଇ ପିଇବା ଦ୍ୱାରା ଶରୀର ସୁସ୍ଥ ରହିଥାଏ । ଏଥିରେ ସ୍ୱାସ୍ଥ୍ୟ ଉପକାରୀ ବହୁ ଗୁଣ ରହିଛି ।
କିସମିସ : କିସମିସର ସେବନ ସ୍ୱାସ୍ଥ୍ୟ ପାଇଁ ଖୁବ ହିତକାରକ । ରାତିସାରା କିସମିସକକୁ ପାଣିରେ ବତୁରାଇ ସକାଳେ ଖାଲି ପେଟରେ ଖାଇବା ଦ୍ୱାରା ପାଚନତନ୍ତ୍ର ସୁସ୍ଥ ରହିଥାଏ । ରୋଗ ପ୍ରତିରୋଧକ ଶକ୍ତି ବୃଦ୍ଧି ହୋଇଥାଏ ।
ମହୁ : ମହୁରେ ଆଂଟିି-ଅକ୍ସିଡ଼ାଂଟ ପ୍ରଚୁର ମାତ୍ରାରେ ରହିଛି । ଏହା ଥଣ୍ଡାକୁ ଶରୀରରୁ ଦୂରେଇ ରଖେ ।
ଗୁଡ : ଗୁଡ ଶରୀରକୁ ଉଷ୍ଣ ରଖିବାରେ ସାହାଯ୍ୟ କରେ । ଏଥିରେ ପୋଷକ ତତ୍ୱ ଶରୀରକୁ ସଂକ୍ରମଣରୁ ରକ୍ଷା କରିବା ସହ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିଥାଏ ।
