ଇସଲାମାବାଦ: ମହାମାରୀ କରୋନା ରୋଗୀ ଓ ସେମାନଙ୍କ ସଂସ୍ପର୍ଶରେ ଆସିଥିବା ଲୋକଙ୍କୁ ଧରିବା ଏବେ ପାକିସ୍ତାନ ସରକାରଙ୍କ ମୁଣ୍ଡ ବିନ୍ଧାର କାରଣ ପାଲଟିଛି। ଖାସ୍ ସେଥିପାଇଁ ପ୍ରଧାନମନ୍ତ୍ରୀ ଇମ୍ରାନ୍ ଖାନ୍ ଗୁଇନ୍ଦା ବିଭାଗର ସହାୟତା ନେଇଛନ୍ତି। ଦେଶର ଗୁଇନ୍ଦା ସଂସ୍ଥା ଆଇଏସଆଇ ଜରିଆରେ ପାକ ସରକାର କରୋନା ରୋଗୀଙ୍କୁ ଠାବ କରୁଥିବା ପ୍ରଧାନମନ୍ତ୍ରୀ ଇମ୍ରାନ ଖାନ କହିଛନ୍ତି।
ଆତଙ୍କବାଦୀଙ୍କ ଗତିବିଧି ଉପରେ ନଜର ରଖିବା ସହ ସେମାନଙ୍କୁ ଠାବ କରିବା ପାଇଁ ପାକିସ୍ତାନ ସରକାର ଆଇଏସଆଇ ଗଠନ କରିଥିଲେ। ହେଲେ ଏବେ କରୋନା ରୋଗୀଙ୍କୁ ଏହାର ଅଧିକାରୀମାନେ ଠାବ କରିବେ। ଇମ୍ରାନ ଖାନ କହିଛନ୍ତି, “ପ୍ରକୃତରେ ଆତଙ୍କବାଦୀମାନେ ଆଇଏସଆଇ ଗଠନ ହୋଇଥିଲା। କିନ୍ତୁ ଏବେ କରୋନା ପାଇଁ ଆମେ ଏହାକୁ ବ୍ୟବହାର କରୁଛୁ।
ଆହୁରି ପଢ଼ନ୍ତୁ
ଟ୍ରାକିଂ, ଟେଷ୍ଟିଂ ଓ କ୍ୱାରେଣ୍ଟାଇନ ଦ୍ୱାରା ହିଁ ଆମେମାନେ ପୁଣିଥରେ ଦେଶରେ ବ୍ୟବସାୟ ଆରମ୍ଭ କରିପାରିବା। ଆଇଏସଆଇ ଅଧିକାରୀମାନେ କରୋନା ରୋଗୀଙ୍କୁ ଠାବ କରିବା ସହ କ୍ଲଷ୍ଟର ଜୋ ଓ ହଟସ୍ପଟ ଚିହ୍ନଟ କରିବେ। କ୍ୱାରେଣ୍ଟାଇନ କେମିତି କରାଯିବ ଏବଂ ସେଠାରେ କିଭଳି ବ୍ୟବସ୍ଥା କରିବ ସେ ଦିଗରେ ଆଇଏସଆଇକୁ ସେନା ପକ୍ଷରୁ ସହାୟତା କରାଯିବ।”
ବର୍ତ୍ତମାନ ସୁଦ୍ଧା ପାକିସ୍ତାନରେ ୧୦,୯୨୭ କରୋନା ରୋଗୀ ଚିହ୍ନଟ ହୋଇଥିବା ବେଳେ ୨୩୦ ଜଣଙ୍କ ମୃତ୍ୟୁ ଘଟିଛି।
