ଖେଳ

କରୋନା ସତ୍ତ୍ୱେ ଜାପାନରେ ଅଲିମ୍ପିକ୍ସ ମଶାଲ ଦେଖିବାକୁ ଜନଗହଳି

ଟୋକିଓ: କରୋନା ଭାଇରସ୍ ମହାମାରୀକୁ ନେଇ ଲୋକଙ୍କ ମନରେ ନାହିଁ ନଥିବା ଭୟ ଦେଖିବାକୁ ମିଳିଥିବା ବେଳେ ଅନ୍ୟପଟେ ଜାପାନର ଉତ୍ତର-ପୂର୍ବ ଅଞ୍ଚଳରେ ଅଲିମ୍ପିକ୍ସ ମଶାଲ ଦେଖିବାକୁ ହଜାର ହଜାର ସଂଖ୍ୟକ ଦର୍ଶକ ପହଞ୍ଚିଥିଲେ। ଜାପାନରେ ଅଲିମ୍ପିକ୍ସ ମଶାଲ ପହଞ୍ଚିବା ପରେ ଏଠାରେ ଜୋରଦାର ସ୍ୱାଗତ କରାଯାଇଥିଲା।

ଆହୁରି ପଢ଼ନ୍ତୁ

ଟୋକିଓ ଅଲିମ୍ପିକ୍ସ ଉପରେ ଏବେ କରୋନା ଭାଇରସର ସଂକ୍ରମଣର ବିପଦ ଘନେଇଛି ଏବଂ ଏହାକୁ ସ୍ଥଗିତ କରିବାକୁ ଦାବି ମଧ୍ୟ କରାଯାଉଛି। ସେଣ୍ଡାଇର ମିୟୋଗୀ ଷ୍ଟାଡିୟମରେ ଅଲିମ୍ପିକ୍ସ ମଶାଲକୁ ପ୍ରଦର୍ଶିତ କରାଯାଇଥିଲା ଏବଂ ଏହାକୁ ଦେଖିବା ପାଇଁ ଶନିବାର ୫୦ହଜାରରୁ ଅଧିକ ପହଞ୍ଚିଥିଲେ।

ସ୍ଥାନୀୟ ଗଣମାଧ୍ୟମ ଅନୁଯାୟୀ, କିଛି ଲୋକେ ୫୦୦ ମିଟର୍ ଲମ୍ବା ଧାଡ଼ିରେ ଘଣ୍ଟା ଘଣ୍ଟା ଧରି ଛିଡ଼ା ହୋଇଥିଲେ। ଏଥିରେ ଅଧିକାଂଶ ଲୋକେ ମାସ୍କ ପିନ୍ଧିଥିଲେ ଏବଂ ସେମାନେ ଅଗ୍ନିକୁଣ୍ଡ ସହ ନିଜର ଫଟୋ ମଧ୍ୟ ଉଠାଇଥିଲେ। ଜଣେ ୭୦ ବର୍ଷୀୟ ମହିଳା ସ୍ଥାନୀୟ ପ୍ରସାରକ ଏନଏଚକେରେ କହିଥିଲେ, ମୁଁ ଅଲିମ୍ପିକ୍ସ ମଶାଲ ଦେଖିବା ପାଇଁ ତିନି ଘଣ୍ଟା ଧରି ଧାଡ଼ିରେ ଛିଡ଼ା ହୋଇଥିଲି।

[ad_2]
Show More
Back to top button