ସତ୍ୟଶିଖା (ନୂଆଦିଲ୍ଲୀ) ୦୨/୦୧/୨୦୨୧ : ଯଦି ଆପଣ ବି ନୂଆ ଚାକିରୀ ଖୋଜୁଛନ୍ତି ତାହେଲେ ଚାକିରୀ କଥା ଭୁଲି ଯାଆନ୍ତୁ ଏବଂ ନିଜର ବ୍ୟବସାୟ ଆରମ୍ଭ କରନ୍ତୁ । ବ୍ୟବସାୟ ଆରମ୍ଭ କରି ପ୍ରଥମ ଦିନରୁ ହିଁ ଭଲ ରୋଜଗାର କରିପାରିବେ । ଡାଏରୀ ପ୍ରଡକ୍ଟ ତିଆରି କରୁଥିବା କମ୍ପାନୀ ଅମୁଲ (Amul) ସହ ମିଶି ନିଜର ବ୍ୟବସାୟ ଆରମ୍ଭ କରିପାରିବେ । ନୂଆବର୍ଷରେ ଅମୁଲ ଫ୍ରାଞ୍ଚାଇଜି ଅଫର କରୁଛି । କମ୍ ଵିନୋଯୋଗ କରି ପ୍ରତି ମାସରେ ଭଲ ବ୍ୟବସାୟ କରିପାରିବେ । ଅମୁଲ୍ ଫ୍ରାଞ୍ଚାଇଜି ନେବା ଲାଭଦାୟକ ସଉଦା ପ୍ରମାଣିତ ହୋଇପାରେ ।
ଅମୁଲ୍ କୌଣସି ରୟାଲ୍ଟି କିମ୍ବା ପ୍ରଫିଟ୍ ସେୟାରିଂ ବିନା ଫ୍ରାଞ୍ଚାଇଜି ଅଫର କରୁଛି । ଫ୍ରାଞ୍ଚାଇଜି ଆପଣଙ୍କୁ ବେଶୀ ଖର୍ଚ୍ଚ ବି କରିବାକୁ ପଡ଼ିବନି । ୨ ଲକ୍ଷରୁ ୬ ଲକ୍ଷ ଟଙ୍କା ଖର୍ଚ୍ଚ କରି ବ୍ୟବସାୟ ଆରମ୍ଭ କରିପାରିବେ । ବ୍ୟବସାୟ ଆରମ୍ଭରୁ ହିଁ ଭଲ ଲାଭ ହୋଇପାରିବ । ଅମୁଲ ଦୁଇ ପ୍ରକାର ଫ୍ରାଞ୍ଚାଇଜି ଅଫର କରୁଛି । ପ୍ରଥମଟି ହେଲା ଅମୁଲ ଆଉଟଲେଟ୍, ଅମୁଲ୍ ରେଲୱେ ପାର୍ଲର କିମ୍ବା ଅମୁଲ କିଓସ୍କ ଫ୍ରାଞ୍ଚାଇଜି । ଦ୍ୱିତୀୟଟି ହେଲା, ଅମୁଲ ଆଇସକ୍ରିମ ସ୍କୁପିଙ୍ଗ ପାର୍ଲର ଫ୍ରାଞ୍ଚାଇଜି । ପ୍ରଥମଟିରେ ୨ ଲକ୍ଷ ଟଙ୍କା ବିନିଯୋଗ କରିବାକୁ ହେବ । ଦ୍ୱିତୀୟଟିରେ ଆପଣଙ୍କୁ ୫ ଲକ୍ଷ ଟଙ୍କା ବିନିଯୋଗ କରିବାକୁ ହେବ । ଏଥିପାଇଁ ନନ୍ ରିଫଣ୍ଡେବଲ୍ ବ୍ରାଣ୍ଡ ସିକ୍ୟୁରିଟି ଭାବେ ୨୫ ରୁ ୫୦ ହଜାର ଟଙ୍କା ଦେବାକୁ ହେବ ।
ଅମୁଲ ଆଉଟଲେଟ କଲେ କମ୍ପାନୀ ଅମୁଲ ପ୍ରଡକ୍ଟର ମିନିମମ ସେଲିଂ ପ୍ରାଇସରେ କମିଶନ ଦେଇଥାଏ । ଅମୁଲ୍ ଆଉଟଲେଟ୍ ପାଇଁ ଆପଣଙ୍କ ପାଖରେ ୧୫୦ ବର୍ଗ ଫୁଟ୍ ଜାଗା ଥିବା ଦରକାର । ଅମୁଲ୍ ଆଇସକ୍ରିମ୍ ପାର୍ଲର ଫ୍ରାଞ୍ଚାଇଜି ପାଇଁ ଅତିକମରେ ୩୦୦ ବର୍ଗ ଫୁଟ୍ ଜାଗା ଥିବା ଦରକାର । ଯଦି ଆପଣ ଫ୍ରାଞ୍ଚାଇଜି ପାଇଁ ଅପିଲାଏ କରିବାକୁ ଚାହୁଁଛନ୍ତି ତାହେଲେ [email protected] ଇ-ମେଲ୍ ଆଇଡିରେ ମେଲ୍ କରିବାକୁ ହେବ । ତାଛଡା ଏହି ଲିଙ୍କ http://amul.com/m/amul-scooping-parlours ରେ କ୍ଲିକ କରି ସବୁ ତଥ୍ୟ ପାଇପାରିବେ ।
