ସତ୍ୟଶିଖା (ଭୁବନେଶ୍ୱର) ୦୪/୦୧/୨୦୨୧ : ହିନ୍ଦୁ ଧର୍ମରେ ପ୍ରତ୍ୟେକ ଦିନର ମହତ୍ତ୍ୱ ରହିଛି । ପ୍ରତ୍ୟେକ ଦିନ ଭିନ୍ନ ଭିନ୍ନ ଦେବାଦେବୀଙ୍କୁ ସମର୍ପିତ । ସୋମବାର ଦିନ ଭଗବାନ ଶିବଙ୍କୁ ସମର୍ପିତ । ସୋମବାର ଦିନ ଶିବଙ୍କୁ ଆରାଧନା କରାଯାଇଥାଏ । ଶିବ ଭକ୍ତ ସୋମବାର ଦିନ ବ୍ରତ ପାଳନ କରନ୍ତି । ଶିବ ଖୁବ ଶୀଘ୍ର ପ୍ରସନ୍ନ ହୋଇଯାନ୍ତି । ସେଥିପାଇଁ ତାଙ୍କୁ ଭୋଲେନାଥ ମଧ୍ୟ କୁହାଯାଏ । ସୋମବାର ଦିନ ସତ ମନରେ ଏବଂ ନିଷ୍ଠାର ସହ ବ୍ରତ ପାଳନ କଲେ ଭଗବାନ ଶିବ ଭକ୍ତଙ୍କ ସବୁ ମନୋସ୍କାମନା ପୂରଣ କରିଥାନ୍ତି ବୋଲି କୁହାଯାଏ । ସୋମବାର ଦିନ କିଛି ବିଶେଷ ଉପାୟରେ ଭୋଲେନାଥଙ୍କୁ ଉପାସନା କଲେ ଶୁଭ ପରିଣାମ ପ୍ରାପ୍ତି ହୋଇଥାଏ ।
- ଭଗବାନ ଶିବଙ୍କୁ ପ୍ରସନ୍ନ କରିବାକୁ ସୋମବାର ଦିନ ସକାଳୁ ଉଠି ସ୍ନାନ ଆଦି ସାରି ଶିବଙ୍କୁ ଆରାଧନା କରିବ ଉଚିତ ।
- ଧୂପ, ଦୀପ, ଚନ୍ଦନ, ଫୁଲ, ଦୁଦୁରା ଫୁଲ, ଗଙ୍ଗାଜଳ, କ୍ଷୀର ଆଦି ଶିବଙ୍କ ପ୍ରିୟ ବସ୍ତୁ । ଶିବଙ୍କୁ ଏହିସବୁ ବସ୍ତୁ ଅର୍ପଣ କଲେ ସେ ପ୍ରସନ୍ନ ହୋଇଥାନ୍ତି ଏବଂ ଭକ୍ତଙ୍କୁ ଆଶୀର୍ବାଦ କରିଥାନ୍ତି ।
- ସୋମବାର ଦିନ ୧୦୮ ଥର ମହାଦେବଙ୍କ ମନ୍ତ୍ର ଜପ କରିବା ଉଚିତ। ଓଁ ନମଃ ଶିବାୟ ମନ୍ତ୍ର ଜପ କରିପାରିବେ । ୧୦୮ ଥର ଭଗବାନ ଶିବଙ୍କ ମହାମୃତ୍ୟୁଞ୍ଜୟ ମନ୍ତ୍ର ଜପ କଲେ ଶିବଙ୍କ ବିଶେଷ କୃପା ପ୍ରାପ୍ତି ହୋଇଥାଏ ।
- ସୋମବାର ଦିନ ଶିବଲିଙ୍ଗରେ ଫୁଲ, ବେଲପତ୍ର ସହ କଞ୍ଚା କ୍ଷୀର ମଧ୍ୟ ଅର୍ପଣ କରିବା ଉଚିତ ।
- ସୋମବାର ଦିନ ମହାଦେବଙ୍କୁ ଘିଅ, ଚିନି ଏବଂ ଅଟାରେ ତିଆରି ପ୍ରସାଦ ଭୋଗ ଅର୍ପଣ କରିବା ଉଚିତ। ଭୋଗ ପରେ ଧୂପ, ଦୀପ ଦେଇ ଆଳତି କରିବା ଉଚିତ । ପୂଜା କରି ସାରିବା ପରେ ପ୍ରସାଦ ବିତରଣ କରିବା ଉଚିତ ।
ସମ୍ବନ୍ଧିତ ଖବର
-
-
-
-
-
-
-
-
-
-
