ସତ୍ୟଶିଖା( ଭୁବନେଶ୍ୱର )୧୯.୦୨.୨୦୨୨ : ମାଲକାନଗିରି : ଆଜି ଆନ୍ଧ୍ରର ଶ୍ରୀକାକୁଲମ ଜିଲା ପାଇଡିଭୀମାବରମ ଠାରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ପାଇଡିଭୀମାବରମରେ ଓଡିଶା ଶ୍ରମିକଙ୍କ ବସ ଦୁର୍ଘଟଣାଗ୍ରସ୍ତ ହୋଇଥିବା ନେଇ ଖବର ମିଳିଛି। ଟ୍ରକକୁ ଏହି ବସ ଧକ୍କା ଦେବା ଫଳରେ ଦୁର୍ଘଟଣା ଘଟିଛି। ଦୁର୍ଘଟଣାରେ ପ୍ରାୟ ୩୮ ଜଣ ଓଡିଆ ଶ୍ରମିକ ଆହତ ହୋଇଛନ୍ତି। ଖବର ପାଇ ପୁଲିସ ଓ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିଛନ୍ତି। ଆହତଙ୍କୁ ଶ୍ରୀକାକୁଲମ ରିମ୍ସ ଡାକ୍ତରଖାନା ସ୍ଥାନାନ୍ତରିତ କରାଯାଇଛି।
ସୂଚନା ଯୋଗ୍ୟ, ଓଡିଶାରୁ ଗଞ୍ଜାମ ଜିଲ୍ଲା ବ୍ରହ୍ମପୁର ଶ୍ରମିକଙ୍କୁ କେରଳ ଓ ତାମିଲନାଡୁ ନେଇ ବସଟି ଯାଉଥିଲା। ଆହତଙ୍କ ଅଵସ୍ଥା ଗୁରୁତର ରହିଛି। ଆହତଙ୍କ ମଧ୍ୟରେ ଥିବା ୩୦ ମହିଳା ପଞ୍ଚାୟତ ନିର୍ବାଚନ ସରିବା ପରେ ଘରୋଇ ଠିକା କମ୍ପାନୀକୁ ଦାଦନ ଖଟିବାକୁ ଯାଉଥିଲେ ବୋଲି ସୂଚନା ମିଳିଛି।
