ସତ୍ୟଶିଖା(ନୂଆଦିଲ୍ଲୀ) ୩୦.୦୬.୨୦୨୧: କରୋନ।ର ଆତଙ୍କରେ ଆତଙ୍କିତ ହୋଇ ଅନେକ ସ୍ଥାନରେ ତାଲା ବନ୍ଦ ପ୍ରକ୍ରିୟା ଜାରି ରହିଛି । ଏଭଳି ପରିସ୍ଥିତିରେ ସମସ୍ତ କମ୍ପାନୀରେ କାମ କରୁଥିବା ଲକ୍ଷଲକ୍ଷ କର୍ମଚାରୀ ଅଫିସ ବଦଳରେ ନିଜ ଘରୁ କାମ କରୁଛନ୍ତି । ଯେଉଁଠି ସେମାନେ ୬ ରୁ ୮ ଘଣ୍ଟା ପରିଶ୍ରମ କରୁଥିଲେ, ଏବେ ତାହା ଦ୍ୱିଗୁଣିତ ହୋଇଯାଇଛି । ବିଶ୍ୱ ସ୍ୱାସ୍ଥ୍ୟ ସଂଗଠନର ଏକ ରିପୋର୍ଟ ଅନୁଯାୟୀ ଅଧିକ ସମୟ କାମ ଚାପ ହେତୁ ଦୀର୍ଘ ଦିନ ହେବ କର୍ମଚାରୀଙ୍କ ମୃତୁ୍ୟ ହେଉଥିବା ଦେଖିବାକୁ ମିଳିଛି । ହୁ ଦର୍ଶାଇଛି ଯେ ମହାମାରୀ ସମୟରେ ଘରୁ କାମ କରୁଥିବା ୱାର୍କର ମାନଙ୍କ ଉପରେ ଚାପ ବଢୁଛି ଯାହା ସେମାନଙ୍କ ଜୀବନ ପାଇଁ ବିପଦ ସୃଷ୍ଟି କରୁଛି । ଦୀର୍ଘ ସମୟ ଧରି ଲାପଟପ ଆଗରେ ବସିବା ଦ୍ୱାରା ଆଖି ଉପରେ ଏହାର ପ୍ରଭାବ ପଡୁଛି । ମସ୍ତିଷ୍କ ଉପରେ ଅଧିକ ପରିମାଣରେ ଚାପ ପଡିବା ଦ୍ୱାରା ଷ୍ଟ୍ରୋକ ଓ ହୃଦରୋଗ ଭଳି ସମସ୍ୟା ବୃଦ୍ଧି ପାଉଛି । ଏହି ରିପୋର୍ଟ ଅନୁଯାୟୀ ପ୍ରତି ସପ୍ତାହରେ ୫୫ ଘଣ୍ଟାରୁ ଅଧିକ କାମ କରିବା ଶରୀର ପକ୍ଷେ ବିପଦ ଅଟେ । ୧୯୪ଟି ଦେଶର ତଥ୍ୟକୁ ନେଇ ଅନୁସନ୍ଧାନ କରାଯାଇଥିବା ଏହି ରିପୋର୍ଟରେ ଜଣାପଡିଛି ଯେ ଏଧିକ ଘଣ୍ଟା କାମ କରିବା ଦ୍ୱାରା ଦୀର୍ଘକାଳୀନ ପାଶ୍ୱର୍ ପ୍ରତିକ୍ରିୟା ଦ୍ୱାରା ପ୍ରଭାବିତ ହୁଅନ୍ତି । ଅନୁସନ୍ଧାନରୁ ଜଣାପଡିଛି ଯେ ଚାଇନା, ଜାପାନ ଏବଂ ଅଷ୍ଟ୍ରେଲିଆର କର୍ମଚାରୀମାନେ ଦୀର୍ଘକାଳୀନ ପାଶ୍ୱର୍ପ୍ରତିକ୍ରିୟା ଦ୍ୱାରା ଅଧିକ ପ୍ରଭାବିତ ହୁଅନ୍ତି । ବିଶ୍ୱ ସ୍ୱାସ୍ଥ୍ୟ ସଂଗଠନର ମୁଖ୍ୟ ଟେଡ୍ରୋସ୍ ଆଡନୋମ୍ ଗେବ୍ରେସିୟସ୍ କହିଛନ୍ତି ଯେ ମହାମାରୀ ସମୟରେ ପ୍ରାୟ ୯ ପ୍ରତିଶତ ଲୋକ ଅଧିକ ସମୟ କାମ କରିବା ଦ୍ୱାରା ଚାପ ରୋଗର ସମ୍ମୁଖୀନ ହେଉଛନ୍ତି ।
