୨୦୨୨ ମହିଳା ବିଶ୍ୱକପ

ସତ୍ୟଶିଖା (ନୂଆଦିଲ୍ଲୀ) ୧୫.୧୨.୨୦୨୦ : ମଙ୍ଗଳବାର ଅନ୍ତର୍ଜାତୀୟ କ୍ରିକେଟ ପରିଷଦ ବା ଆଇସିସି ୨୦୨୨ ମହିଳା କ୍ରିକେଟ ବିଶ୍ୱକପର କ୍ରୀଡାସୂଚୀ ଜାରି କରିଛି । ୨୦୨୨ରେ ହେବାକୁ ଥିବା ଦ୍ୱାଦଶ ମହିଳା କ୍ରିକେଟ ମହାକୁମ୍ଭରେ ମୋଟ ୩୧ଟି ମ୍ୟାଚ୍‌ ଖେଳାଯିବ ବୋଲି ସୂଚନା ମିଳିଛି । ବିଶ୍ୱକପ୍‌ର ପ୍ରଥମ ମ୍ୟାଚ୍‌ ୨୦୨୨ ମାର୍ଚ୍ଚ ୪ ତାରିଖରେ ଖେଳାଯିବ । ଏହା ନ୍ୟୁଜିଲାଣ୍ଡରେ ଅନୁଷ୍ଠିତ ହେବ । ସେହିପରି ଟୁର୍ଣ୍ଣାମେଣ୍ଟର ଉଦଘାଟନୀ ମ୍ୟାଚ୍‌ ଓ୍ୱେଲିଂଟନର ବେସିନ ରିଜର୍ଭରେ ଖେଳାଯିବ ।  ଏପ୍ରିଲ ୩ ତାରିଖରେ ଖ୍ରୀଷ୍ଟଚର୍ଚ୍ଚ ମଇଦାନରେ ଫାଇନାଲ ମ୍ୟାଚ୍ ଖେଳାଯିବ ଖେଳାଯିବ । ତେବେ ଟିମ୍‌ ଇଣ୍ଡିଆ ମାର୍ଚ୍ଚ ୬ ତାରିଖରେ ପ୍ରଥମ ମ୍ୟାଚ୍ ଖେଳି ଅଭିଯାନ ଆରମ୍ଭ କରିବ ।ଟୁର୍ଣ୍ଣାମେଣ୍ଟର ସେମି ଫାଇନାଲ ଓ ଫାଇନାଲ ମୁକାବିଲା ଖ୍ରୀଷ୍ଟଚର୍ଚ୍ଚର ଓଭାଲ ମଇଦାନରେ ଖେଳାଯିବ । ଭାରତ ବିଶ୍ୱକପର ଚଳିତ ଥର ୭ଟି ମ୍ୟାଚ୍‌ ଖେଳିବ । ଦଳ ନ୍ୟୁଜିଲାଣ୍ଡ, ଅଷ୍ଟ୍ରେଲିଆ, ସାଉଥ୍‌ ଆଫ୍ରିକା ଓ ଇଂଲଣ୍ଡ ଭଳି ଶକ୍ତିଶାଳୀ ଟିମ୍‌ ସହ ୪ଟି ମ୍ୟାଚ୍‌ ଖେଳିବା ପରେ ୩ଟି ମ୍ୟାଚ୍‌ କ୍ବାଲିଫାଏର ଟିମ୍‌ ସହ ଖେଳିବ ।ଭାରତ ମହିଳା କ୍ରିକେଟ ଦଳର ଷ୍ଟାର ଖେଳାଳ ମିତାଲୀ ରାଜ କହିଛନ୍ତି ଯେ, ୨୦୨୦ ବର୍ଷକୁ ଏକ କଳା ବର୍ଷ । ଚଳିତ ବର୍ଷ ସମସ୍ତଙ୍କ ପାଇଁ ଏକ ଦୁଃସ୍ବପ୍ନ ଭଳି ରହିଥିଲା । ଯାହାଫଳରେ ବହୁତ କମ୍‌ ଅନ୍ତର୍ଜାତୀୟ ମ୍ୟାଚ୍‌ ଖେଳିବାକୁ ସୁଯୋଗ ମିଳିଛି । ବହୁଦିନ ପରେ ବର୍ତ୍ତମାନ ବିଶ୍ୱର ସବୁଠାରୁ ଲୋକପ୍ରିୟ ଖେଳ କ୍ରିକେଟ ଫେରିଥିବାରୁ ଖୁସି ଲାଗୁଛି । ଭାରତ ବିଗତ ୩ ବର୍ଷ ମଧ୍ୟରେ ଆଇସିସି ଟୁର୍ଣ୍ଣାମେଣ୍ଟରେ ଭଲ ପ୍ରଦର୍ଶନ କରିଛି ବୋଲି ସେ କହିଛନ୍ତି ।