ସତ୍ୟଶିଖା(ଭୁବନେଶ୍ୱର) ୩୦ .୦୬.୨୦୨୧: ରାଜ୍ୟରେ କରୋନା ସଂକ୍ରମଣ ଧିରେଧିରେ ହ୍ରାସ ପାଇବାରେ ଲାଗିଛି । ତଥାପିବି କେତେକ ଜିଲ୍ଲାରେ କରୋନା ସ୍ଥିତି ଉଦବେଗଜନକ ସ୍ଥିତିରେ ରହିଛି । ୫ଟି ଜିଲ୍ଲାରେ କରୋନା ସଂକ୍ରମଣ ଏବେବି ଥମିବାର ନାଁ ଧରୁନାହିଁ । ଅପରପକ୍ଷରେ ଲକଡାଉନ ଓ ସଟଡାଉନ ଯୋଗୁଁ ସାଧାରଣ ଜୀବନଯାତ୍ରା ବ୍ୟାହତ ହୋଇଛି । ଅନେକ କ୍ଷୁଦ୍ର ବ୍ୟବସାୟୀ ବହୁଳ ଭାବେ କ୍ଷତିଗ୍ରସ୍ତ ହୋଇସାରିଛନ୍ତି । ଏହି ପରିପ୍ରେକ୍ଷୀରେ ଲକଡାଉନ ହଟିବ ନା ଆଉ କୋହଳ ହେବ ସେନେଇ ଚର୍ଚ୍ଚା ଜୋରଦାର ଚାଲିଛି । ତେବେ ଏନେଇ ଆଜି ଅପରାହ୍ନରେ ମୁଖ୍ୟ ସଚିବ ସୁରେଶ କୁମାର ମହାପାତ୍ର ସାମ୍ବାଦିକ ସମ୍ମିଳନୀରେ ସୂଚନା ଦେବେ ବୋଲି ଜାଣିବାକୁ ମିଳିଛି । ମୁଖ୍ୟ ସଚିବ ଶ୍ରୀ ମହାପାତ୍ର ଅପରାହ୍ନ ୨ଟାରୁ ସାଢେ଼ ୨ଟା ମଧ୍ୟରେ କହିବେ ବୋଲି ଜଣାପଡ଼ିଛି । ଗତକାଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କରୋନା ସଂକ୍ରାନ୍ତରେ ସମୀକ୍ଷା କରିଥିଲେ । ତେବେ ଯେଉଁ ଅଂଚଳରେ କରୋନା ସଂକ୍ରମଣ ହ୍ରାସ ପାଇନାହିଁ ସେଠାରେ କରୋନା କଟକଣା କଡ଼ାକଡ଼ି ପାଳନ କରିବାକୁ ନିଦେ୍ର୍ଧଶ ବି ଦେଇଛନ୍ତି । ଘରକୁ ଘର ବୁଲି ସର୍ଭେ କରିବାକୁ କୁହାଯାଇଥିବାବେଳେ ଅବିଭକ୍ତ ପୁରୀ, କଟକ, ବାଲେଶ୍ୱର ଓ ମୟୂରଭଞ୍ଜ ଜିଲ୍ଲା ଉପରେ ଗୁରୁତ୍ୱ ଦିଆଯିବ । ଫଳରେ ଉପକୂଳବର୍ତୀ ଜିଲ୍ଲାରେ ଳକଡାଉନ କଟକଣା କୋହଳ ଆଶା କ୍ଷୀଣ ବୋଲି କୁହାଯାଉଛି ।
