ସତ୍ୟଶିଖା (ବାଲେଶ୍ୱର) ୦୪/୧୨/୨୦୨୦ : ଓଡିଶାରେ ଭୂକମ୍ପ ଝଟକ ଅନୁଭୂତ । ରାଜ୍ୟର ବାଲେଶ୍ବର ଓ ମୟୁରଭଞ୍ଜ ଜିଲ୍ଲାରେ ମୃଦୁ ଭୂକମ୍ପ ଅନୁଭୂତ ହୋଇଛି । ରାତି ପ୍ରାୟ ୨ଟା ୧୩ ମିନିଟ୍ ରେ ଏହି ଭୂକମ୍ପ ଝଟକା ଅନୁଭୂତ ହୋଇଥିବା ଜଣାପଡିଛି । ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୩.୯ ରହିଥିଲା ।
ନିସ୍ତବ୍ଧ ରାତିରେ ଭୂକମ୍ପ ଝଟକା ଅନୁଭୂତ ହୋଇଥିବା ବେଳେ କିଛି ଲୋକ ଏହା ଜାଣିପାରିନଥିଲେ । ଆଉ କିଛି ଲୋକ ଭୂକମ୍ପ ଝଟକା ଅନୁଭୂତ କରିଥିଲେ । ଏହି ସମୟରେ କିଛି ଲୋକ ଘରୁ ବାହାରକୁ ପଳାଇ ଆସିଥିଲେ । ମୟୁରଭଞ୍ଜରେ ଲୋକ ଭୟଭୀତ ହୋଇ ଶଙ୍ଖ ଓ ଘଣ୍ଟ ବଜାଉଥିବା ଦେଖିବାକୁ ମିଳିଥିଲା ।
କେବଳ ଓଡିଶା ନୁହେଁ ଉତ୍ତରାଖଣ୍ଡରେ ମଧ୍ୟ ଭୂକମ୍ପ ଝଟକା ଅନୁଭୂତ ହୋଇଥିବା ଜଣାପଡିଛି ।
