ଚେତାବନୀ SBIର

ସତ୍ୟଶିଖା (ନୂଆଦିଲ୍ଲୀ) ୦୪/୦୧/୨୦୨୧ : ଗ୍ରାହକଙ୍କୁ ଷ୍ଟେଟ୍ ବ୍ୟାଙ୍କ୍ ଅଫ୍ ଇଣ୍ଡିଆର ବଡ ଚେତାବନୀ । ସୋସିଆଲ ମିଡିଆର କମ୍ ବ୍ୟବହାର କରନ୍ତୁ । କୌଣସି ଭ୍ରମାତ୍ମକ ମେସେଜ ଦ୍ବାରା ପ୍ରଭାବିତ ହୁଅନ୍ତୁନାହିଁ । ବଢୁଥିବା ସାଇବର କ୍ରାଇମ୍ କାରଣରୁ ଆପଣଙ୍କ ଆକାଉଣ୍ଟରୁ ପୂରା ଟଙ୍କା ଗାଏବ ହୋଇଯାଇପାରେ । ଗ୍ରାହକମାନଙ୍କୁ ଆଲର୍ଟ ରହିବାକୁ ବ୍ୟାଙ୍କ୍ ପକ୍ଷରୁ ଚେତାଇ ଦିଆଯାଇଛି । ବ୍ୟାଙ୍କ୍ ପକ୍ଷରୁ କୁହାଯାଇଛି ଯେ, ସାଇବର ଠକମାନେ ସୋସିଆଲ ମିଡିଆରେ ଭ୍ରମାତ୍ମକ ମେସେଜ ପଠାଉଛନ୍ତି । ବର୍ତ୍ତମାନ ବ୍ୟାଙ୍କ୍ ପକ୍ଷରୁ ଗ୍ରାହକମାନଙ୍କୁ ଏଭଳି କୌଣସି ମେସେଜ ପଠାଯାଇନାହିଁ ।ଏସବିଆଇ ପକ୍ଷରୁ କରାଯାଇଥିବା ଟ୍ବିଟ୍ ରେ ଗ୍ରାହକମାନଙ୍କୁ ସାବଧାନ କରାଯାଇଛି । ଏସବିଆଇ କହିଛି ଯେ, ଗ୍ରାହକମାନଙ୍କୁ ଅନୁରୋଧ ସେମାନେ ସୋସିଆଲ ମିଡିଆରେ ସତର୍କ ରୁହନ୍ତୁ । କୌଣସି ଭ୍ରମାତ୍ମକ ଏବଂ ନକଲି ମେସେଜ ଦ୍ବାରା ପ୍ରଭାବିତ ହୁଅନ୍ତୁନାହିଁ । ବ୍ୟାଙ୍କ୍ କହିଛି ଯେ, ଯଦି ଆପଣ ଏଥିପ୍ରତି ଧ୍ୟାନ ନଦେବେ ତେବେ ଆପଣଙ୍କ ବ୍ୟାଙ୍କ୍ ଖାତା ଖାଲି ହୋଇଯିବ । ଉଲ୍ଲେଖଯୋଗ୍ୟ ଯେ, ବ୍ୟାଙ୍କ୍ ଗ୍ରାହକଙ୍କ ସୁରକ୍ଷା ପାଇଁ ଆଲର୍ଟ ଜାରି କରିଥାଏ । ଗ୍ରାହକଙ୍କ ଟଙ୍କାକୁ ସୁରକ୍ଷିତ ରଖିବା ଏସବିଆଇର ଲକ୍ଷ୍ୟ । ବ୍ୟାଙ୍କ୍ ନିଜ ଟ୍ବିଟର ହ୍ୟାଣ୍ଡେଲ ଏବଂ ଏସଏମଏସ ମାଧ୍ୟମରେ ଗ୍ରାହକମାନଙ୍କୁ ଆଲର୍ଟ ପଠାଇଥାଏ ।