ଜୀବନମନ୍ତ୍ର
ବର୍ଷା ଦିନେ ଘରେ ପୋକ-ଜୋକରୁ ମୁକ୍ତି ପାଇବାକୁ ଚାହୁଁଛନ୍ତି କି ? ତେବେ ଅବଲମ୍ବନ କରନ୍ତୁ ଏହି ୪ଟି ଘରୋଇ ଉପାୟ l
ସତ୍ୟଶିଖା ୧୯ .୦୮.୨୦୨୦ : ବର୍ଷାଦିନେ ଅଧିକାଂଶ ସମୟରେ ପୋକଜୋକ,ମାଛି ଏବଂ ପିମ୍ପୁଡ଼ି ଯୋଗୁଁ ଘରେ ସମସ୍ୟା ବଢ଼ିଥାଏ । ଏମାନଙ୍କ ଆଳରେ କିଛି ବିଷାକ୍ତ ପୋକ ମଧ୍ୟ ଘରେ ପଶି ଯାଇଥାନ୍ତି । ଯଦି ଠିକ୍ ସମୟରେ ଏମାନଙ୍କୁ ସଫା କରାନଯାଏ ତେବେ ଆପଣଙ୍କୁ ଏବଂ ଆପଣଙ୍କ ଘରେ ବଡ଼ ଧରଣର ସମସ୍ୟା ହୋଇପାରେ । ଏଥିରୁ ମୁକ୍ତି ପାଇବା ପାଇଁ ଆପଣଙ୍କୁ ବଜାରରୁ ସ୍ପେଶାଲ କେମିକାଲ୍ ଆଣିବାର ଆବଶ୍ୟକତା ନାହିଁ । କେତେକ ଘରୋଇ ଉପାୟ ଏଗୁଡ଼ିକ ବିନାଶ କରିପାରେ ।
- କର୍ପୁର : ଆମ ଘରେ ପୂଜା କରିବା ପାଇଁ କର୍ପୁର ବ୍ୟବହାର କରାଯାଇଥାଏ । କିନ୍ତୁ କର୍ପୁରର ଅନେକ ଫାଇଦା ମଧ୍ୟ ହୋଇଥାଏ । କର୍ପୁର ଏକ ଚମତ୍କାର ହୋମ୍ କ୍ଲିନର ମଧ୍ୟ । ଏହା ବ୍ୟବହାର କରିବା ଦ୍ୱାରା ଘରର ଦୁର୍ଗନ୍ଧ ଦୂର ହୋଇ ଯାଇଥାଏ । ଯଦି ଆପଣଙ୍କ ଘରେ ପୋକ-ଜୋକ ଏବଂ ଅସରପା ରହିଥାଏ,ତେବେ ତାହା ମଧ୍ୟ ଘରୁ ପଳାଇବ ।
- ଲେମନ୍ ଗ୍ରାସ୍ ଏବଂ ତୁଳସୀ : ପ୍ରତ୍ୟେକ ଘରେ ଲେମନ ଗ୍ରାସ୍ ଏହାର ସୁଗନ୍ଧ ଯୋଗୁଁ ବ୍ୟବହାର କରାଯାଇଥାଏ । ଲେମନ ଗ୍ରାସ୍ ଗଛର ବ୍ୟବହାର ଏହାର ସୁଗନ୍ଧ ସହ ମଶା କିମ୍ବା ପୋକ ଦୂର କରୁଥିବା କେତେକ ଔଷଧରେ ମଧ୍ୟ କରାଯାଇଥାଏ । ସେହିପରି ତୁଳସୀ ଗଛ ପବନ ସ୍ଵଚ୍ଛ ରଖିବା ସହ ଛୋଟ ଛୋଟ ପୋକ ଏବଂ ମଶାକୁ ଆପଣଙ୍କଠୁ ଦୂରରେ ରଖିଥାଏ ।
- ସିଲିକନ୍ : ବର୍ଷା ଦିନେ ଘରେ ବିଭିନ୍ନ ପ୍ରକାରର ପୋକ-ଜୋକ ପଶିଥାନ୍ତି । ବାଥରୁମ୍ ଏବଂ ରୋଷେଇ ଘରେ ଏହି ସମସ୍ୟା ସବୁଠୁ ବେଶୀ ହୋଇଥାଏ । ଯଦି ଏହି ପୋକ-ଜୋକରୁ ମୁକ୍ତି ପାଇବାକୁ ଚାହୁଁଛନ୍ତି ତେବେ କାନ୍ଥର ଛିଦ୍ରକୁ ସିଲିକନରେ ବନ୍ଦ କରନ୍ତୁ । ଏପରି କରିବା ଦ୍ୱାରା ସେହି ରାସ୍ତାରୁ ପୋକ-ଜୋକ କେବେ ଘର ଭିତରକୁ ପଶି ପାରିବ ନାହିଁ ।
- ସ୍କ୍ରିନ୍ : ପୋକ-ଜୋକରୁ ମୁକ୍ତି ପାଇବା ପାଇଁ ଆପଣ ଘରର ଝରକା ଏବଂ କବାଟରେ ସ୍କ୍ରିନିଂ କରାଇପାରିବେ । ଏହା ଦ୍ୱାରା ଘରେ ସ୍ଵଚ୍ଛ ପବନ ପ୍ରବେଶ କରି ପାରିବ ଏବଂ ଆପଣ ପୋକ-ଜୋକଠୁ ମଧ୍ୟ ମୁକ୍ତି ପାଇ ପାରିବେ । ଏଥିପାଇଁ ଆପଣଙ୍କୁ ଅଧିକ ଟଙ୍କା ଖର୍ଚ୍ଚ କରିବାକୁ ପଡ଼ିବ ନାହିଁ ।
