ସତ୍ୟଶିଖା ( ବାଲେଶ୍ୱର ) ୦୪.୦୮.୨୦୨୦ : ଥମିବାର ନାଁ ଧରୁନି ଦନ୍ତା ହାତୀଙ୍କ ପାଦ୍ରୁଭାବ । ଧାନ କ୍ଷେତ ନଷ୍ଟ କଲା ଦନ୍ତା। ଦନ୍ତାର ଉତ୍ପାତରେ ନାକେଦମ ବନାଞ୍ଚଳବାସୀ ସମେତ ବନ ବିଭାଗ । ଏଭଳି ଘଟଣା ଦେଖିବାକୁ ମିଳିଛି ବାଲେଶ୍ୱର ଜିଲ୍ଲା ନୀଳଗିରି ଗୋପାଳପୁର ଗ୍ରାମରେ ।
ପ୍ରଥମେ କରୋନା ପରେ ସ୍ୱଳ୍ପବୃଷ୍ଟି ଚାଷୀର ମେରୁଦଣ୍ଡ ଭାଙ୍ଗିଦେଇଛି । ଅନ୍ୟପଟେ ଦନ୍ତାର ଉପଦ୍ରଵରେ ନୀଳଗିରି ବନବିଭାଗ ଅଧିନ ଅଯୋଧ୍ୟା ପଞ୍ଚାୟତର ଗୋପାଳପୁର ଗ୍ରାମର ଲାଲମୋହନ ସିଂ, ବିଜୟ କୁମାର ସିଂ ଓ ସବିତା ସିଂଙ୍କର ଧାନକ୍ଷେତରେ ପ୍ରବେଶ କରି ଫସଲ ଖାଇବା ସହ ମାଡିଚକଟି ନଷ୍ଟ କରିଥିବାର ଦେଖିବାକୁ ମିଳିଛି । ତୁରନ୍ତ ବନ ବିଭାଗ ପକ୍ଷରୁ ହାତୀକୁ ଘଉଡାଇବା ସହ ତଦନ୍ତ କରି ଚାଷୀମାନଙ୍କୁ ସହାୟତା ଯୋଗାଇଦେବାକୁ ଦାବୀ ହୋଇଛି ।
