ସତ୍ୟଶିଖା(ଭୁବନେଶ୍ୱର ) ୨୭.୧୨.୨୦୨୧: ଗତକାଲି କଟକ-ଚାନ୍ଦବାଲି ରାଜପଥର ପୀରବଜ଼ାର ନିକଟରେ ଭୟରପୁର ଗ୍ରାମର ଜୟନ୍ତ ସାମଲ ଙ୍କ ମାଞ୍ଜା ସୁତାର ଲାଗି ମୃତ୍ୟୁ ପରେ ଆଜି ପୁରୀ ବଡ଼ଦାଣ୍ଡରେ ଆଉ ଏକ ଖବର ସାମ୍ନାକୁ ଆସିଛି ।
ଜଣେ ଯୁବକ ପୁଅର ମେଡ଼ିସିନ୍ ପାଇଁ ଆସିଥିବା ବେଳେ ପୁରୀ ବଡ ଦାଣ୍ଡରେ ବେକରେ ମାଞ୍ଜା ସୁତା ଲାଗି ଯୁବକ ଜଣକଙ୍କ ବେକ କଟିଯାଇଛି । ରକ୍ତସ୍ରାବ ହେବା କାରଣ ରୁ ଗୁରୁତର ଅବସ୍ଥାରେ ମେଡ଼ିକାଲରେ ଭର୍ତ୍ତି ହୋଇଛନ୍ତି ।
ତେବେ ଏହି ପରିସ୍ଥିତିରେ ସାଧାରଣ ଲୋକ ପ୍ରଶାସନର ଦାୟିତ୍ୱ ଉପରେ ପ୍ରଶ୍ନ ଉଠାଇଛନ୍ତି । ଅନ୍ୟ ପଟେ ପୋଲିସ୍ ର ତନାଘନା ଆରମ୍ଭ ହୋଇଛି । କମିଶନରେଟ୍ ପୋଲିସ୍ ପକ୍ଷରୁ ବିଭିନ୍ନ ସ୍ଥାନରେ ଚଢାଉ ଆରମ୍ଭ ହୋଇଛି ।
ତେବେ ମାଞ୍ଜାସୁତା ରଖିବା ଅଭିଯୋଗରେ ଗୋଟିଏ ବ୍ୟବସାୟୀଙ୍କୁ ମଧ୍ୟ ଅଟକ ରଖି ପଚରାଉଚରା କରୁଛି ପୋଲିସ୍ । ମାଞ୍ଜା ରଖି ବିକ୍ରି କରୁଥିବା ବ୍ୟବସାୟୀଙ୍କ ଉପରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ ହେବ ବୋଲି ଡ଼ିସିପି ପ୍ରତୀକ ସିଂ ସୁଚନା ଦେଇଛନ୍ତି ।
ଏନେଇ କଟକର ବିଭିନ୍ନ ସ୍ଥାନରେ ସ୍ୱତନ୍ତ୍ର ଡ଼୍ରାଇଭ୍ ଚାଲିଥିବା କଥା ମଧ୍ୟ କହିଛନ୍ତି । ଗତକାଲି ଘଟଣା ଘଟିଥିବା ଅଭିଯୁକ୍ତ କୁ ଧରିବାକୁ ଚଢାଉ ଜାରୀ ରହିଛନ୍ତି ।
ସ୍ୱତନ୍ତ୍ର ଏନଫୋର୍ସମେଣ୍ଟ ଟିମ୍ ଦ୍ୱାରା ବିଭିନ୍ନ ସ୍ଥାନରେ ଚଢାଉ ପାଇଁ ନିର୍ଦ୍ଦେଶ ହୋଇଛି । ମାଞ୍ଜା ସୁତା ର ବିକ୍ରି ଓ ବ୍ୟବହାର ଉପରେ ହେବ ଯାଞ୍ଚ । ଏନେଇ କଟକ ମହାନଗର ନିଗମ ଡ଼େପୁଟି ମଧ୍ୟ ସୁଚନା ଦେଇଛନ୍ତି ।
