ସତ୍ୟଶିଖା(ନୂଆଦିଲ୍ଲୀ) ୦ ୭ .୦୭.୨୦୨୧: ଏକଦା ବଲିଉଡ଼ରେ ରାଜ କରୁଥିବା ବର୍ଷୀୟାନ ଅଭିନେତା ଦିଲୀପ କୁମାର ଆଉ ନାହାନ୍ତି । ୯୮ ବର୍ଷ ବୟସରେ ଆଜି ତାଙ୍କର ପରଲୋକ ହୋଇଯାଇଛି । ଗତ କିଛିଦିନ ଧରି ସେ ବିଭିନ୍ନ ରୋଗରେ ପୀଡ଼ିତ ହୋଇ ଚିକିତ୍ସିତ ହେଉଥିଲେ । ଗତ ଜୁନ ୩୦ରେ ସେ ହିନ୍ଦୁଜା ହସପିଟାଲରେ ଭର୍ତି ହୋଇଥିଲେ । ପ୍ରାୟ ଏକ ସପ୍ତାହ ଧରି ଗୁରୁତର ଅବସ୍ଥାରେ ତାଙ୍କର ଚିକିତ୍ସା ଚାଲିଥିବାବେଳେ ଆଜି ମୃତୁ୍ୟ ହୋଇଛି ।
ଆଜି ସକାଳ ସାଢେ଼ ୭ଟାରେ ତାଙ୍କର ହିନ୍ଦୁଜା ହସପିଟାଲରେ ପରଲୋକ ହୋଇଛି । ତାଙ୍କ ମୃତୁ୍ୟରେ ରାଷ୍ଟ୍ରପତି ରାମନାଥ କୋବିନ୍ଦ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଠାରୁ ନେଇ ବହୁ ବିଶିଷ୍ଟ ବ୍ୟକ୍ତି ଶୋକ ବ୍ୟକ୍ତ କରିଛନ୍ତି । ତାଙ୍କ ମୃତୁ୍ୟରେ ବଲିଉଡ଼ରେ ଏକ ଯୁଗର ଅନ୍ତ ଘଟିଛି ।
ମୁଗଲ-ଇ-ଆଜମ ଭଳି ବହୁ ଲୋକପ୍ରିୟ ସିନେମା ଭେଟି ଦେଇଥିବା ଦିଲୀପ କୁମାରଙ୍କୁ ବଲିଉଡ଼ ଭାବପୂର୍ଣ୍ଣ ଶ୍ରଦ୍ଧାଞ୍ଜଳି ଦେଇଛି । ହସପିଟାଲରେ ତାଙ୍କର ଚିକିତ୍ସା ଚାଲିଥିବାରୁ ସେ ସୁସ୍ଥ ହୋଇଯିବେ ବୋଲି ଆଶା କରାଯାଉଥିଲା । ତାଙ୍କ ପନôୀ ସାଇରା ବାନୁ ମଧ୍ୟ ସ୍ୱାସ୍ଥ୍ୟବସ୍ଥା ଭଲ ଅଛି ବୋଲି କହିବା ସହ ଭଗବାନଙ୍କ ନିକଟରେ ପ୍ରାର୍ଥନା କରିବାକୁ ନିବେଦନ କରିଥିଲେ ।
ଦିଲୀପ କୁମାରଙ୍କ ପ୍ରକୃତ ନାମ ହେଉଛି ମହମ୍ମଦ ୟୂସୁଫ ଖାନ । ୧୯୨୨ ମସିହା ଡିସେମ୍ବର ୧୧ରେ ଜନ୍ମଗ୍ରହଣ କରିଥିବା ଦିଲୀପ କୁମାର ବଲିଉଡ଼ର ପ୍ରଥମ ଖାନ ଭାବେ ପରିଚିତି ହାସଲ କରିଥିଲେ । ସର୍ବାଧିକ ଫିଲ୍ମ ଫେୟାର ପୁରସ୍କାର ପାଇବାରେ ସେ ରେକଡର଼୍ ସୃଷ୍ଟି କରିଛନ୍ତି ।
