ସତ୍ୟଶିଖା (ଟାଙ୍ଗୀ) ୧୭/୧୨/୨୦୨୦ : ଗନ୍ ପଏଣ୍ଟରେ ଝାମ୍ପି ନେଲେ ୧୫ ଲକ୍ଷ ଟଙ୍କା । ବୁଧବାର ରାତିରେ ୧୬ ନମ୍ବର ଜାତୀୟ ରାଜପଥରେ ଏହି ଡକାୟତି ହୋଇଛି । ଖୋର୍ଦ୍ଧା ଜିଲ୍ଲାର ବାଣପୁର ଥାନା ଏରିଆ ବାଇପାସ୍ ଛକରେ ଏହି ଘଟଣା ଘଟିଛି । ପୁରୀରେ ରହି ବ୍ୟବସାୟ କରୁଥିବା ୩/୪ ଜଣ ବ୍ୟବସାୟୀ ଏକ କାର୍ ଯୋଗେ ନିଜ ଘରକୁ ଅର୍ଥାତ୍ ପୁରୀରୁ ଗଞ୍ଜାମ ଅଞ୍ଚଳକୁ ଏହି ଟଙ୍କା ଭର୍ତ୍ତି ବ୍ୟାଗ୍ ନେଇ ଯାଉଥିଲେ ।
ଡକାୟତମାନେ ଆଉ ଏକ କାର୍ ଗାଡ଼ିରେ ଆସି ଏମାନଙ୍କ ବାଟ ଓଗାଳିଲେ । ଆଉ ତାପରେ ଗନ୍ ପଏଣ୍ଟ୍ ରେ ଆକ୍ରମଣ କରି ଟଙ୍କା ନେଇ ଛୁ ମାରିଛନ୍ତି ଡକାୟତ । ବାଣପୁର ପୋଲିସ ତଦନ୍ତ ଆରମ୍ଭ କରିଛି ଏବଂ ଖୋର୍ଦ୍ଧା ଏସପି ପ୍ରାଥମିକ ତଦନ୍ତ କରିଛନ୍ତି । ବର୍ତ୍ତମାନ ସୁଦ୍ଧା ଡକାୟତଙ୍କର କୌଣସି ଟେର୍ ପାଇନାହିଁ ପୋଲିସ ।
