ଭିଡିଓ କନ୍‌ଫରେନ୍ସିଂ ଜରିଆରେ ‘ନାଟୋ’ ସମ୍ମିଳନୀକୁ ସମ୍ବୋଧିତ କରିବେ ୟୁକ୍ରେନ୍ ରାଷ୍ଟ୍ରପତି!

ସତ୍ୟଶିଖା( କିଭ୍‌ )୨୩.୦୩.୨୦୨୨ :   ରୁଷିଆ ଓ ୟୁକ୍ରେନ୍  ମଧ୍ୟରେ ଜାରି ଥିବା ଯୁଦ୍ଧ ବୁଧବାର ୨୭ ଦିନରେ ପହଞ୍ଚିଛି । ୟୁକ୍ରେନ୍‌ର ଅନେକ ସହରରେ ଭୀଷର ବୋମା, ଗୁଳି, ରକେଟ ଓ ମିସାଇଲ ଆକ୍ରମଣ ହୋଇଛି । ଶତାଧିକ ଲୋକଙ୍କର ମୃତ୍ୟୁ ହୋଇଛି । ଏଥିରେ ସ୍କୁଲ ପିଲା ଓ ସ୍ୱାସ୍ଥ୍ୟ କର୍ମୀ ମଧ୍ୟ ସାମିଲ ଅଛନ୍ତି । ସେହିପରି ରୁଷିଆ ସେନାର ଆକ୍ରମଣରେ ହଜାର ହଜାର ଲୋକ ଆହତ ହୋଇଥିବା ବେଳେ ଲକ୍ଷ ଲକ୍ଷ ଲୋକ ୟୁକ୍ରେନ୍ ଛାଡ଼ି ପଡୋଶୀ ଦେଶର ଶରଣ ପଶିଛନ୍ତି । ୟୁକ୍ରେନ୍‌ର ଦୁର୍ଦ୍ଦଶା ଏତିକିରେ ଶେଷ ହୋଇ ନାହିଁ । ଏଠାରେ ରହୁଥିବା ବିଦେଶୀ ନାଗରିକମାନେ ମଧ୍ୟ ସ୍ୱଦେଶକୁ ଫେରିଯାଇଛନ୍ତି ।

ଏହାରି ମଧ୍ୟରେ ‘ନାଟୋ’ ୟୁକ୍ରେନ୍‌ର ରାଷ୍ଟ୍ରପତି ଭୋଲୋଦିମୀର ଜେଲେନ୍‌ସ୍କିଙ୍କୁ ଗୁରୁବାର ଭିଡିଓ ଲିଙ୍କ ଜରିଆରେ ଶିଖର ସମ୍ମିଳନୀକୁ ସମ୍ବୋଧିକ କରିବା ପାଇଁ ଆମନ୍ତ୍ରିତ କରିଛି । କିନ୍ତୁ ଜେଲେନ୍‌ସ୍କି ନାଟୋ ସମ୍ମିଳନୀକୁ ସମ୍ବୋଧିକ କରିବେ କି ନାହିଁ, ଏହାର ସ୍ପଷ୍ଟି କରଣ ଆସିନାହିଁ । ଦିନକ ପୂର୍ବରୁ ରାଷ୍ଟ୍ରପତି ଜେଲେନ୍‌ସ୍କି ନାଟୋର ବ୍ୟବହାର ନେଇ ଅମଙ୍ଗ ଦେଖାଯାଇଥିଲେ । ସେ କହିଥିଲେ ଯେ, ନାଟୋକୁ ଏବେ କହିବା ଦରକାର ଯେ, ସେମାନେ ୟୁକ୍ରେନ୍‌କୁ ସ୍ୱୀକାର କରିବେ ନାଁ ନାହିଁ ।

ୟୁକ୍ରେନ୍‌ର ବିଦେଶ ମନ୍ତ୍ରାଳୟ ରୁଷୀୟ ରାଷ୍ଟ୍ରପତି ଭ୍ଲାଦିମୀର ପୁତିନଙ୍କ ଉପରେ ଡୋନବାସର ଡୋନେଟ୍‌ସ୍କ ଓ ଲୁହାନ୍‌ସ୍କରୁ ପାଖାପାଖି ୨୫୦୦ ୟୁକ୍ରେନ୍ ଶିଶୁ ଅପହରଣ କରି ରୁଷିଆ ପଠାଇଥିବା ଅଭିଯୋଗ ଆଣିଛି । ଅନ୍ୟପଟରେ ୟୁକ୍ରେନ୍ ଯୁଦ୍ଧ କାରଣରୁ ୟୁପୋରେ ଶରଣାର୍ଥୀ ସଂକଟ ବଢ଼ିବାରେ ଲାଗିଛି । ଜର୍ମାନୀର ବିଦେଶ ମନ୍ତ୍ରୀ ୟୁରୋପୀୟ ସଂଘକୁ ୮୦ ଲକ୍ଷ ୟୁକ୍ରେନ୍ ଶରଣାର୍ଥୀଙ୍କ ଲାଗି ପ୍ରସ୍ତୁତ ରହିବାକୁ କହିଛି ।