ସତ୍ୟଶିଖା(:ରାଉରକେଲା ) ୨୮.୦୧.୨୦୨୨ ଜାତୀୟସ୍ତରରେ ପୁଣି ଗୌରବ ଆଣିଛନ୍ତି ରାଉରକେଲା ପାଣିପବନରେ ବଢ଼ିଥିବା ଦୁଇ ଯୁବକ। ବର୍ତ୍ତମାନ ଲଣ୍ଡନରେ ଅବସ୍ଥାପିତ ରୋବୋଟିକ୍ ସର୍ଜରୀ ବିଶେଷଜ୍ଞ ଡା. ପ୍ରଖର ଦାସଗୁପ୍ତା ସ୍ବାସ୍ଥ୍ୟସେବା କ୍ଷେତ୍ରରେ ଉଲ୍ଲେଖନୀୟ ପ୍ରଦର୍ଶନ ପାଇଁ ଏଥର ମର୍ଯ୍ୟାଦାଜନକ ‘ପଦ୍ମଶ୍ରୀ’ ପୁରସ୍କାର ପାଇବାକୁ ମନୋନୀତ ହୋଇଛନ୍ତି। ସେହିଭଳି ଅଦମ୍ୟ ସାହସ ଦେଖାଇ ଛତିଶଗଡ଼ରେ ନକ୍ସଲଙ୍କ ଆକ୍ରମଣରେ ସହିଦ ସିଆର୍ପିଏଫ୍ ଯବାନଙ୍କୁ ଉଦ୍ଧାର କାର୍ଯ୍ୟରେ ବ୍ରତୀ ରହିଥିବା ଭାରତୀୟ ବାୟୁସେନାର ୱିଙ୍ଗ୍ କମାଣ୍ଡର ଚିନ୍ମୟ ପାତ୍ରଙ୍କୁ ଏଥର ବାୟୁସେନା ପଦକ ଦିଆଯିବ। ରାଉରକେଲାରେ ହିଁ ଉଭୟଙ୍କର ମୂଳଦୂଆ ପଡ଼ିଥିଲା। ରାଉରକେଲା ମାଟିରେ ହିଁ ସେମାନେ ଆଦ୍ୟ ଶିକ୍ଷା ଆରମ୍ଭ ହୋଇଥିଲା। ଏଠାରେ ହିଁ ଉଭୟେ ନିଜର ଭବିଷ୍ୟତ ଲକ୍ଷ୍ୟ ଦେଖିବା ଆରମ୍ଭ କରିଥିଲେ ଓ ଶେଷରେ ନିଷ୍ଠାପର ପରିଶ୍ରମ ବଳରେ ଏହାକୁ ହାସଲ କରିପାରିଛନ୍ତି। ଉଭୟଙ୍କ ସଫଳତାକୁ ନେଇ ଏବେ ଜିଲ୍ଲାରେ ଖୁସିର ଲହରୀ ଦେଖିବାକୁ ମିଳିଛି।
