ସତ୍ୟଶିଖା (କରଞ୍ଜିଆ) ୨୮.୦୩.୨୦୨୨: ଶିମିଳିପାଳ ଅଭ୍ୟାରଣ୍ୟରେ ଲାଗିଲା ଭୟଙ୍କର ନିଆଁ । ଉତ୍ତର ଶିମିଳିପାଳର ଗୁଡୁଗୁଡିଆ, ତାଳବନ୍ଧ, ରେଞ୍ଜରେ ନିଆଁ ଲାଗିଥିବା ସୂଚନା ମିଳିଛି । ୪ଟି ପଏଣ୍ଟରେ ଏହି ଅଗ୍ନିକାଣ୍ଡ ହୋଇଛି । ବନବିଭାଗ ନିଆଁ ଲିଭାଇବାକୁ ଉଦ୍ୟମ ଜାରି ରଖିଛି । ଫଳରେ ଜଙ୍ଗଲ ଆଖପାଖରେ ଥିବା ଗାଁ’ଗୁଡିକର ଲୋକମାନେ ବିପଦ ଶଙ୍କୁଳ ଅବସ୍ଥାରେ ଅଛନ୍ତି । ଅନେକ ପ୍ରାଣୀଙ୍କ ଜୀବନ ମଧ୍ୟ ବିପଦରେ ରହିଛି ।
ସୂଚନା ଅନୁସାରେ ଖରାର ପ୍ରଭାବ ଦିନକୁ ଦିନ ବଢ଼ିବାରେ ଲାଗିଛି । ପ୍ରାକୃତିକ ଭାବରେ ହେଉ କିମ୍ବା କୌଣସି କୃତ୍ରିମ କାରଣରୁ ହେଉ ଜଙ୍ଗଳରେ ଲାଗୁଛି ନିଆଁ । ଗତ ବର୍ଷ ଭୟାବହ ଅଗ୍ନିକାଣ୍ଡ ଯୋଗୁଁ ବହୁ ଗଛଲତା ଓ ପଶୁ ପକ୍ଷୀ ବିଶେଷ କରି ସରୀସୃପ ମାନଙ୍କର ମୃତୁ୍ୟ ଘଟିଥିଲା । ଯାହା ଆମ ପରିବେଶ ଉପରେ ବିଶେଷ ପ୍ରଭାବ ପକାଉଛି । ଏହିପରି ପ୍ରତିବର୍ଷ ନିଆଁ ଲାଗି ଜଙ୍ଗଲ ଓ ପଶୁପକ୍ଷୀ ନଷ୍ଟ ହେବା ଆମ ଭବିଷ୍ୟତ ଓ ଆଗାମୀ ପିଢ଼ି ପାଇଁ ସାଙ୍ଘାତିକ ରୂପ ନେବ ।ଶିମିଳିପାଳରେ ଦୀର୍ଘ ଦିନ ଧରି ନିଆଁ ଲାଗିଥିଲା । ଯେଉଁ ଅନୁପାତରେ ନିଆଁ ଲିଭୁଥିଲା, ତା’ଠୁ ଅଧିକ ବେଗରେ ନିଆଁ ବ୍ୟାପୁଥିଲା ।
