ସତ୍ୟଶିଖା (ନୂଆଦିଲ୍ଲୀ) ୨୧/୧୦/୨୦୨୦ : ପାକିସ୍ତାନର କରାଚୀରେ ବଡ଼ ବିସ୍ଫୋରଣ ହୋଇଛି । ଗୁଲଶନ-ଏ-ଇକବାଲରେ ମସକନ ଚୌରଙ୍ଗୀରେ ୨ତାଲା କୋଠାରେ ବିସ୍ଫୋରଣ ହୋଇଛି,ଯେଉଁଥିରେ ଅନେକ ଲୋକ ଗୁରୁତର ହୋଇଛନ୍ତି । ଆଖପାଖର କୋଠାର ଝରକା ଭାଙ୍ଗି ଚୁରମାର ହୋଇଯାଇଛି । ଏହି ବିସ୍ଫୋରଣରେ ୩ଜଣଙ୍କ ମୃତ୍ୟୁ ହୋଇଯାଇଥିବାବେଳେ ୧୫ରୁ ଅଧିକ ଲୋକ ଆହତ ହୋଇଛନ୍ତି ।
ସମସ୍ତ ମୃତାହତଙ୍କୁ ପଟେଲ୍ ହସ୍ପିଟାଲକୁ ନିଆଯାଇଛି । ବିସ୍ଫୋରଣ କାରଣ ଏବେ ଯାଏଁ ଜଣା ପଡ଼ି ନାହିଁ । କେତେ ଜଣ ସନ୍ଦେହ କରୁଛନ୍ତି ଯେ ଏହା ଏକ ସିଲିଣ୍ଡର ବିସ୍ଫୋରଣ । ଆଇନ ପ୍ରବର୍ତ୍ତନ ଏଜେନ୍ସି ଏବଂ ଉଦ୍ଧାରକାରୀ ଘଟଣାସ୍ଥଳକୁ ପହଞ୍ଚି ଯାଇଛନ୍ତି । ଏଲଏଏଏସ୍ ଏହି କ୍ଷେତ୍ରକୁ ବନ୍ଦ କରି ଦେଇଛନ୍ତି । ବିସ୍ଫୋରଣ କୋଠାର ଦୁଇ ମହଲାରେ ହେବାର ସନ୍ଦେହ କରାଯାଉଛି । ପ୍ରତ୍ୟେକ୍ଷଦର୍ଶୀମାନେ କହିଛନତି ଯେ ଆଖପାଖର କୋଠାଗୁଡ଼ିକର ଝରକା ସହ କିଛି ଗାଡ଼ି ଗୁଡ଼ିକ କ୍ଷତିଗ୍ରସ୍ତ ହୋଇଛି ।
ଗତକାଲି କରାଚୀର ଶିରିନ ଜିନ୍ନା କଲୋନୀ ପାଖରେ ଏକ ବସ୍ ଟର୍ମିନାଲର ପ୍ରବେଶ ଦ୍ୱାରରେ ବୋମା ବିସ୍ଫୋରଣ ହେବାରୁ ୫ଜଣ ଆହତ ହୋଇଛନ୍ତି । ପୋଲିସଙ୍କ କହିବାନୁସାରେ ଏହା ଆଇଇଡି ଥିଲା,ଯାହାକୁ ଟର୍ମିନାଲ୍ ଗେଟରେ ଲଗା ହୋଇଥିଲା । ଦ୍ଵୀପ୍ରହର ସାଢ଼େ ୩ଟା ପରେ ଆଇଇଡି ରଖାଯାଇଥିଲା । ଏହି ବିସ୍ଫୋରଣରେ ୫ଜଣ ଆହତ ହୋଇଥିଲେ ।
