‘ଅଗ୍ନିବୀର’ ନିଆଁ ପ୍ରଶମନ ପାଇଁ ଉଦ୍ୟମ: ମିଳିବ ୧୦% ସଂରକ୍ଷଣ, କୋହଳ ହେବ ବୟସ ସୀମା

ଗୃହ ମନ୍ତ୍ରାଳୟ ପକ୍ଷରୁ ଜାରି ବିବୃତିରେ କୁହାଯାଇଛି, CAPF ଓ ଆସାମ ରାଇଫଲ୍ସରେ ଭର୍ତ୍ତି ହେବା ନିମନ୍ତେ ‘ଅଗ୍ନିବୀର’ଙ୍କ ଲାଗି ନିର୍ଦ୍ଧାରିତ ସର୍ବାଧିକ ପ୍ରବେଶ ବୟସ ସୀମାରେ ୩ ବର୍ଷ କୋହଳ କରାଯାଇଛି।  ଏହାବାଦ ଏହି ଯୋଜନାରେ ସାମିଲ ହେବାକୁ ଥିବା ପ୍ରଥମ ବ୍ୟାଚ ନିମନ୍ତେ ଏହି କୋହଳକୁ ୫ ବର୍ଷ ପର୍ଯ୍ୟନ୍ତ ବଢ଼ାଇ ଦିଆଯାଇଛି।  ‘ଅଗ୍ନିପଥ’ ଯୋଜନାରେ ସ୍ଥଳ, ନୌସେନା ଓ ବାୟୁ ସେବାରେ ଭର୍ତ୍ତି ହେବାକୁ ଥିବା ‘ଅଗ୍ନିବୀର’ ଙ୍କୁ CAPF ଓ ଆସାମ ରାଇଫଲ୍ସରେ ଭର୍ତ୍ତି ହେବା ନିମନ୍ତେ ପ୍ରାଥମିକତା ମିଳିବ । ଏହି ଯୋଜନା ଅଧୀନରେ ଚାରି ବର୍ଷ ସେବା ସମାପ୍ତ କରିଥିବା ‘ଅଗ୍ନିବୀର’ଙ୍କୁ ନିଯୁକ୍ତି ପ୍ରକ୍ରିୟାରେ ପ୍ରାଥମିକତା ଦିଆଯିବ ବୋଲି ମନ୍ତ୍ରଣାଳୟ ପକ୍ଷରୁ କୁହାଯାଇଛି ।