ଶୋଇଥିବା ବେଳେ ଘର ଉପରେ ପଡ଼ିଲା ଗଛ ଓ ପାଚେରି; ଜଣେ ମୃତ, ୨ଆହତ

ସତ୍ୟଶିଖା( ଜଳେଶ୍ୱର )୨୦.୦୮ . ୨୦୨୨: ମୃତ୍ୟୁ କେତେବେଳେ ଆସେ କେମିତି ଆସେ ଜାଣି ହୁଏ ନାହିଁ। ଏପରି ଘଟଣା ଘଟିଯାଇଛି ଏକ ପରିବାର ସାଙ୍ଗରେ। ଘରେ ବାପାମା’ ୩ ଛୁଆ ଶୋଇଥିବା ବେଳେ ଘର ଉପରେ  ଭୁଶୁଡ଼ି ପଡ଼ିଲା ସ୍କୁଲ ପାଚେରି ଓ ଗଛ। କାନ୍ଥ ତଳେ ଚାପି ହୋଇ ଜଣେ ଶିଶୁକନ୍ୟାର ମୃତ୍ୟୁ ଘଟିଥିବା ବେଳେ ଦୁଇ ଜଣ ଶିଶୁ ଗୁରୁତର ହୋଇଛନ୍ତି। ଏଭଳି ଘଟଣା ଘଟିଛି ବାଲେଶ୍ୱର ଜିଲ୍ଲା ବାଲିଆପାଳ ବ୍ଲକ୍ ଅନ୍ତର୍ଗତ ମଧୁପୁରା ଗାଁରେ। ମୃତ ଶିଶୁ କନ୍ୟା ଜଣଙ୍କ ହେଲେ ସମିନା ଖାତୁନ। ତାଙ୍କୁ ୪ବର୍ଷ ହୋଇଥିଲା। ଅମିନା ଖାତୁନ ଓ ସେକ୍ ଆରେନ ଅବସ୍ଥା ଗୁରୁତର ଥିବାରୁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ହେଲେ ବାପା ସେକ୍ ଆନସାର ଓ ତାଙ୍କ ପତ୍ନୀଙ୍କର କିଛି ହୋଇନାହିଁ।