ସତ୍ୟଶିଖା ୦୯/୦୨/୨୦୨୧ : ଓଡ଼ିଆରେ ଏକ ପ୍ରସିଦ୍ଧ ଗୀତ ଥିଲା ‘ଆସ କିଏ ଖାଇବ ଆମ ରାଜା ବାବୁ ଘର ଖାନା’ । ହେଲେ ଏଠି ଆମେ କହୁଛୁ ଆସ କିଏ ଖାଇବ କଏଦୀଙ୍କ ଖାନା । କଏଦୀ କରିଛନ୍ତି ଟିଫିନ୍ ଦୋକାନ । ସ୍ୱାବଲମ୍ବୀଭାବେ ବଂଚିବାକୁ ପାଦେ ଆଗକୁ ବଢ଼ିଛନ୍ତି ସମ୍ବଲପୁର ମଣ୍ଡଳ କାରାଗାରର କଏଦୀ । ଜେଲ ପରିସରରେ କଏଦୀ କରିଛନ୍ତି ଜଳଖିଆ ଦୋକାନ ।
ନିଜ ହାତରେ ଜଳଖିଆ ତିଆରୀ କରିବା ସହ ଗ୍ରାହକଙ୍କୁ ବିକୁଛନ୍ତି । କଏଦୀଙ୍କ ଏଭଳି କାର୍ଯ୍ୟ ସାଧାରଣରେ ପ୍ରଶଂସା ଯୋଗ୍ୟ । ଅପରାଧ କରି କି କୌଣସି କାରଣ ବସତଃ ସିନା ଜେଲକୁ ଆସିଛନ୍ତି । ହେଲେ ଏବେବି ସମାଜରେ ଆତ୍ମ ସମ୍ମାନ ସହ ବଂଚିବାକୁ ତାଙ୍କର ଇଛା । ସେଥିପାଇଁ ତ ଜେଲ କଏଦୀ ହୋଇ ରହି ମଧ୍ୟ ଦେଇଛନ୍ତି ଜଳଖିଆ ଦୋକାନ । କଏଦୀଙ୍କ ଏଭଳି କାର୍ଯ୍ୟ ସାଧାରଣ ଲୋକଙ୍କୁ ବେଶି ଆକର୍ଷିତ କରିଛି ।
