ସତ୍ୟଶିଖା ୩୦.୦୭.୨୦୨୦ : ଅନୁଗୁଳ ଜିଲ୍ଲା ଛେଣ୍ଡିପଦା ଥାନା ଡିମିରିପଦା ଗାଁ ଜଙ୍ଗଲରେ ଝୁଲନ୍ତ ଅବସ୍ଥାରେ ୩ ଜଣଙ୍କ ମୃତଦେହ ଉଦ୍ଧାର କରାଯାଇଛି । ମୃତକଙ୍କ ମଧ୍ୟରେ ଅଛନ୍ତି ୨ଯୁବକ ଓ ଜଣେ ଯୁବତୀ । ଘଟଣାସ୍ଥଳରୁ ଦୁର୍ଗନ୍ଧବାହାରୁଥିବାରୁ କିଛି ଦିନ ତଳେ ସେମାନଙ୍କ ମୃତ୍ୟୁ ହୋଇଥିବା ଅନୁମାନ କରାଯାଉଛି । ଜଣେ ଗାଇଚରାଳି ମୃତଦେହକୁ ଦେଖି ଗାଁ ଲୋକଙ୍କୁ ଖବର ଦେଇଥିଲେ । ପରେ ଗାଁ ଲୋକେ ଘଟଣା ସମ୍ପର୍କରେ ପୁଲିସକୁ ଖବର ଦେଇଥିଲେ । ବର୍ତମାନ ସୁଦ୍ଧା ମୃତକଙ୍କ ପରିଚୟ ଓ ଠିକଣା ମିଳିପାରିନାହିଁ । ପ୍ରେମ ବ୍ୟାପାରକୁ ନେଇ ଏଭଳି ଘଟଣା ଘଟିଥାଇପାରେ ବୋଲି ସନ୍ଦେହ କରାଯାଉଛି ।
