ସତ୍ୟଶିଖା (ଭୁବନେଶ୍ୱର) ୧୨.୧୦.୨୦୨୦ : ଆଜି ଓଜେଇଇ । କରୋନା ମହାମାରୀ ଓ କଟକଣା ମଧ୍ୟରେ ଆଜି ଏହି ପରୀକ୍ଷା ଅନୁଷ୍ଠିତ ହେବ । ଜେଇଇ ମେନ୍ ଢାଞ୍ଚାରେ ଅନୁଷ୍ଠିତ ହେବ ଓଜେଇଇ । ଆଜିଠାରୁ ଆରମ୍ଭ ହୋଇ ୧୯ତାରିଖ ପର୍ଯ୍ୟନ୍ତ ଚାଲିବ ଓଜେଇଇ । ୨୧ଟି ସହରରେ ୫୪ଟି ପରୀକ୍ଷା କେନ୍ଦ୍ରରେ ଓଜେଇଇ ଦେବେ ୮୦ହଜାରରୁ ଅଧିକ ପରୀକ୍ଷାର୍ଥୀ । ଓଜେଇଇ ପାଇଁ ରାଜ୍ୟ ବାହାରେ କୋଲକାତା, ରାଞ୍ଚି, ପାଟନାରେ ମଧ୍ୟ ପରୀକ୍ଷା କେନ୍ଦ୍ର କରାଯାଇଛି । ପ୍ରତି ପରୀକ୍ଷା ହଲରେ ୫୦ ପ୍ରତିଶତ ପରୀକ୍ଷାର୍ଥୀ ବସିବେ । ପରୀକ୍ଷା ପୂର୍ବାହ୍ନ ୯ଟାରୁ ୧୧ଟା ପର୍ଯ୍ୟନ୍ତ ପ୍ରଥମ ସିଟିଂ, ମଧ୍ୟାହ୍ନ ୧୨ଟା ୩୦ରୁ ୨ଟା ୩୦ ପର୍ଯ୍ୟନ୍ତ ଦ୍ବିତୀୟ ଓ ଅପରାହ୍ଣ ୪ଟାରୁ ୬ଟା ପର୍ଯ୍ୟନ୍ତ ଏଭଳି ୩ଟି ସିଟିଂରେ କରାଯିବ ।
ପରୀକ୍ଷା କେନ୍ଦ୍ର ଗୁଡିକୁ ଠିକ ଭାବେ ସାନିଟାଇଜ ସହ କମ୍ପ୍ୟୁଟର ବେସଡ ଟେଷ୍ଟ ପାଇଁ ବ୍ୟବହୃତ ହେବକୁ ଥିବା କମ୍ପ୍ୟୁଟର, ମାଉସ, କିବୋର୍ଡ ଓ ଅନ୍ୟାନ୍ୟ ଆସବାବ ପତ୍ର ଗୁଡିକର ସାନିଟାଇଜ୍ କରାଯିବ । ପରୀକ୍ଷାର୍ଥୀ ମାନେ ବାଧ୍ୟତାମୂଳକ ମାସ୍କ ପରିଧାନ ସହ ଓଜେଇଇ ପକ୍ଷରୁ ଜାରି ହୋଇଥିବା କୋଭିଓ-୧୯ ଗାଇଡ ଲାଇନ ମାନିବାକୁ ପରୀକ୍ଷାର୍ଥୀଙ୍କୁ ପରାମର୍ଶ ଦିଆଯାଇଛି । ସେହିଭଳି ଅକ୍ଟୋବର ୧୨ ତାରିଖରୁ ୨୨ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ ଏକକ ପିଜି ପ୍ରବେଶିକା ପରୀକ୍ଷା । ଚଳିତବର୍ଷ ରାଜ୍ୟର ବିଭିନ୍ନ ବିଶ୍ବବିଦ୍ୟାଳୟ ଓ ମହାବିଦ୍ୟାଳୟରେ ପିଜି ପାଠ୍ୟକ୍ରମରେ ନାମଲେଖା ପାଇଁ ଉଚ୍ଚଶିକ୍ଷା ବିଭାଗ ପକ୍ଷରୁ ପ୍ରଥମଥର ପାଇଁ ଏକକ ପିଜି ପ୍ରବେଶିକା ପରୀକ୍ଷା ବ୍ୟବସ୍ଥା କରାଯାଇଛି ।
