ଆଜି ୧୧ ଘଣ୍ଟିଆ ବିନିକା ବନ୍ଦ

ସତ୍ୟଶିଖା(ବିନିକା) ୨୫.୦୬.୨୦୨୧: ବିନିକା ତହସିଲ ଅଞ୍ଚଳରେ ଲାଗି ରହିଛି ମଣ୍ଡିରେ ଧାନବିକ୍ରି ଅବ୍ୟବସ୍ଥା। କେତେବେଳେ ଚାଷୀର ଟୋକନ ଲାପ୍ସ କରୁଛି ତ କେତେବଳେ  ଟ୍ରାକ୍ଟରରେ ଧାନ ଲୋଡ ହୋଇ ଖରା ବର୍ଷାରେ ରାସ୍ତାରେ ଥୁଆ ହେଉଛି। କିନ୍ତୁ ପ୍ରଶାସନ କିଛି ଶୁଣୁ ନ ଥିବାରୁ ଆଜି ୧୧ ଘଣ୍ଟିଆ ବିନିକା ବନ୍ଦ ଡାକରା ଦେଇଛି ଜିଲ୍ଲା କଂଗ୍ରେସ । ସକାଳ ୭ଟାରୁ ସନ୍ଧ୍ୟା ୬ଟା ଯାଏଁ ବନ୍ଦ ପାଳନ କରାଯିବ । ତେବେ ବନ୍ଦ ପାଳନ ବେଳେ  ଅତ୍ୟାବଶ୍ୟକ ସାମଗ୍ରୀ, ମେଡିକାଲକୁ  ବାଦ ଦିଆଯାଇଛି। କିନ୍ତୁ ସରକାରୀ ଓ ବେସରକାରୀ କାର୍ଯ୍ୟାଳୟ ଏବଂ ଦୋକାନ-ବଜାର ବନ୍ଦ ରହିବ।

ବିନିକା ବ୍ଳକ୍ ଅଂଚଳର ଅନେକ ଚାଷୀଙ୍କ ଟୋକନ ଲାପ୍ସ ହେବାରୁ ମଣ୍ଡିରେ ଧାନ ବିକ୍ରି କରିବାରୁ ସେମାନେ ବଞ୍ଚିତ ହୋଇଛନ୍ତି । ଫଳରେ ଦୁଇ ଦିନ ହେଲା ଟ୍ରାକ୍ଟରରେ ଧାନ ଲୋଡ କରି ବିନିକା ତହସିଲ କାର୍ଯ୍ୟାଳୟରେ ବ୍ଳକ୍  କଂଗ୍ରେସ ଏବଂ ଜିଲ୍ଲା କଂଗ୍ରେସ କୃଷକ କମିଟି ପକ୍ଷରୁ ପ୍ରତିବାଦ କରାଯାଉଛି ।