ସତ୍ୟଶିଖା (ଭୁବନେଶ୍ୱର ) ୧୧.୧୨.୨୦୨୨ : ୱାର୍ଡ ନଂ ୩୭ ରେ ବିଭବ ବିଲଡର ଦୀର୍ଘ ଦିନ ହେବ ଏକ ସରକାରୀ ଜମି 0.243 ଡିସିମିଲ ଜବରଦଖଲ କରିରଖିଥିଲେ ଯାହାକୁ ଉଚ୍ଛେଦ କରିବାପାଇଁ ସ୍ଥାନୀୟ କର୍ପୋରେଟର ଶ୍ରୀମତୀ ବନ୍ଦିତା ପାଲ ଅଭିଯୋଗ କରି ସେଠାରେ ୱାର୍ଡ ଅଫିସ ଓ ମହିଳା ମାନଙ୍କ ପାଇଁ ଗୃହ ଓ ସିନିଅର ସିଟିଜେନ ମାନଙ୍କ ପାଇଁ ଗୃହ କରିବାକୁ BMC,BDA,GA କୁ ଅଭିଯୋଗ କରିଥିଲେ | ତତ୍ପରେ 16 ସେପ୍ଟେମ୍ବର ରେ ବିଏମସି , ବିଡିଏ ତରଫରୁ ଏହାକୁ ଉଚ୍ଛେଦ କରାଯାଇ ଓଡିଶା ସରକାର ଙ୍କ ତରଫରୁ “ସରକାରଙ୍କ ସମ୍ପତି ଅନଧିକାର ପ୍ରବେଶ ଦଣ୍ଡନୀୟ ” ଲେଖାଯାଇଥିବା ଦୁଇ ଗୋଟି ସାଇନ ବୋର୍ଡ ମରା ଯାଇଥିଲା | କିନ୍ତୁ ଗତ କାଲି ବିଭବ ବିଲଡର ଏହି ବୋର୍ଡ କୁ କାଢି ଫୋପାଡ଼ି ଦେଇ ଜୋର ଜବରଦସ୍ତ ପାଚେରୀ ଉଠାଇ ସରକାରଙ୍କୁ ଅପମାନ କରିଛନ୍ତି, ଯାହାକୁ ସ୍ଥାନୀୟ କର୍ପୋରେଟର ଓ ଏସ ଏସ ଜି ମହିଳା ବିରୋଧ କରିବାରୁ ଉକ୍ତ ବିଲଡର ଙ୍କ କର୍ମଚାରୀ ଅସଭ୍ୟ ବ୍ୟବହାର କରି ନାଲି ଆଖି ଦେଖାଇଥିଲେ | ଏହାକୁ ବିରୋଧ କରି ସ୍ଥାନୀୟ କର୍ପୋରେଟର ଓ ସ୍ୱୟଂ ଶ୍ରଦ୍ଧା ଏସ ଏସ ଜି ମହିଳା ମାନେ ରାସ୍ତାରେ ଧାରଣା ରେ ବସିଛନ୍ତି || ଧାରଣା ଆଜିକୁ ଦୁଇ ଦିନ ଚାଲିଥିବା ବେଳେ ସରକାରୀ ବାବୁ ମାନଙ୍କ ଦେଖା ନାହିଁ ଯାହାକି ଜଣେ ମହିଳା କର୍ପୋରେଟର ଓ ଏସ ଏସ ଜି ମହିଳା ମାନଙ୍କ ଭାବ ମୂର୍ତ୍ତି କୁ ଆଘାତ ପହଂଚେଇଛି || ବିଲଡରଙ୍କ ଚାପରେ ବିଏମସି, ବିଡିଏ,ଜିଏ ଏହା ସ୍ଥାନୀୟ ଲୋକେ ଅଭିଯୋଗ ଆଣିଛନ୍ତି | କାହା ବଳରେ ବିଲଡର ସରକାରୀ ବୋର୍ଡ କୁ ଓପାଡ଼ି ସେଠାରେ ପାଚେରୀ ନିର୍ମାଣ କଲେ ଏହା ଏବେ ସବୁଠୁ ବଡ ପ୍ରଶ୍ନ | ଏହା ପଛରେ ଏକ ଅଦୃଶ୍ୟ ଶକ୍ତି କାର୍ଯ୍ୟ କରୁଛି ବୋଲି ବୁଦ୍ଧିଜୀବୀ ମାନେ ମତ ରଖିଛନ୍ତି | ଯେପର୍ଯ୍ୟନ୍ତ ଏହି ଜମିକୁ ସମୁପର୍ଣ୍ଣ ମୁକ୍ତ କରାନଯାଇ ସେଠାରେ ୱାର୍ଡ ଅଫିସ, ମହିଳା ଗୃହ ଓ ବରିଷ୍ଠ ନାଗରିକ ମାନଙ୍କ ଗୃହ ନିର୍ମାଣ ପାଇଁ ସରକାର ଙ୍କ ତରଫରୁ ଲିଖିତ ପ୍ରତିଶୃତି ନମିଳିଛି ସେପର୍ଯ୍ୟନ୍ତ ଧାରଣା ଜାରି ରହିବ ବୋଲି କର୍ପୋରେଟର ଶ୍ରୀମତୀ ପାଲ କହିଛନ୍ତି ||
