ସତ୍ୟଶିଖା(ମହାରାଷ୍ଟ୍ର ) ୨୮.୦୧.୨୦୨୨ : ମହାରାଷ୍ଟ୍ରରେ ୧୨ ବିଜେପି ବିଧାୟକଙ୍କ ଏକ ବର୍ଷ ପର୍ଯ୍ୟନ୍ତ ନିଲମ୍ବନ ଆଦେଶ ରଦ୍ଦ କରିଛନ୍ତି ସୁପ୍ରିମକୋର୍ଟ । ମହାରାଷ୍ଟ୍ର ସରକାର ଉପରେ ବର୍ଷିଛନ୍ତି ସୁପ୍ରିମ କୋର୍ଟ । ଏହାକୁ ସମ୍ପୂର୍ଣ୍ଣ ଅସମ୍ବିଧାନିକ ଓ ମନମାନି କହି ଏହି ଆଦେଶକୁ ରଦ୍ଦ କରିଛନ୍ତି ସର୍ବୋଚ୍ଚ ଅଦାଲତ । ସୂଚନାନୁସାରେ ମହାରାଷ୍ଟ୍ର ବିଧାନସଭାର ଅଧିକାରୀଙ୍କୁ ଦୁର୍ବ୍ୟବହାର କରିବା ଅଭିଯୋଗରେ ମହାରାଷ୍ଟ୍ର ସରକାର ୧୨ ବିଜେପି ବିଧାୟକଙ୍କୁ ଗତ ବର୍ଷ ନିଲମ୍ବିତ କରିଥିଲେ। ଏହି ମାମଲାର ଶୁଣାଣି କରି ଏପରି ନିଷ୍ପତ୍ତି ଉପରେ ପ୍ରଶ୍ନ ଉଠାଇଛନ୍ତି ସୁପ୍ରିମକୋର୍ଟ।
ଏନେଇ ସୁପ୍ରିମକୋର୍ଟ କହିଛନ୍ତି, ବିଧାୟକଙ୍କୁ ଏକ ବର୍ଷ ପର୍ଯ୍ୟନ୍ତ ନିଲମ୍ବିତ କରିବା ଅର୍ଥ କେବଳ ସମ୍ପୃକ୍ତ ବିଧାୟକଙ୍କୁ ନୁହେଁ ସେମାନଙ୍କ ନିର୍ବାଚନ କ୍ଷେତ୍ରକୁ ବି ଦଣ୍ଡିତ କରାଯାଉଛି। ଏହାର ଶୁଣାଣି କରି ଜଷ୍ଟିସ ଏଏମ୍ ଖାନବିଲକର କହିଛନ୍ତି, ଏହି ନିର୍ବାଚନ ମଣ୍ଡଳୀର ଭୋଟରଙ୍କୁ ବିଧାନସଭାରେ ପ୍ରତିନିଧୀତ୍ୱ କରିବା ପାଇଁ କେହି ବି ନାହାନ୍ତି । କାରଣ ସେମାନଙ୍କ ବିଧାୟକଙ୍କୁ ଦୀର୍ଘ ଏକ ବର୍ଷ ପର୍ଯ୍ୟନ୍ତ ନିଲମ୍ବିତ କରାଯାଇଛି। ଏଥିସହ ସେକହିଛନ୍ତି, ସମ୍ବିଧାନ ନିୟମ ଅନୁଯାୟୀ, ଏକ ନିର୍ବାଚନ କ୍ଷେତ୍ର ୬ ମାସରୁ ଅଧିକ ସମୟ ପର୍ଯ୍ୟନ୍ତ ବିନା ପ୍ରତିନିଧୀରେ ରହି ପାରିବନି ।
