ସତ୍ୟଶିଖା ( କଟକ ) ୨୬ /୧୧ /୨୦୨୧: କୋଳି ହେଲା କାଳ। ମହାନଦୀ ପଠାକୁ କୋଳି ଆଣିବାକୁ ଯାଇ ନଦୀରେ ୩ ଜଣ ଛାତ୍ର ନିଖୋଜ ହୋଇଯାଇ ଥିବା ବେଳେ ଜଣଙ୍କର ମୃତ ଦେହକୁ ଉଦ୍ଧାର କରାଯାଇଛି। ମୃତ ଛାତ୍ରଙ୍କ ନାଁ ଜଗା ବେହେରାଙ୍କର ବୋଲି ଜଣା ପଡ଼ିଛି। ଗତକାଲି ଅପରାହ୍ନରେ କଟକ ପୋତା ପୋଖରୀ ଅଞ୍ଚଳର ୪ ଜଣ ଅଷ୍ଟମ ଶ୍ରେଣୀର ଛାତ୍ର ଭଦିମୂଳ ଘାଟ ନିକଟ ମହାନଦୀ ପଠାକୁ କୋଳି ଖାଇବା କୁ ଖାଇବାକୁ ଯାଇଥିଲେ।
କିନ୍ତୁ ସନ୍ଧ୍ୟା ପରେ ସେମାନେ ଘରକୁ ନ ଫେରିବାରୁ ଘର ଲୋକ ଖୋଜା ଖୋଜି କରିବା ପରେ ସେମାନଙ୍କ ମଧ୍ୟରୁ ଜଣକ ସାଇକେଲ ଭଦିମୂଳ ଘାଟ ନିକଟରେ ଥିବା ଦେଖିବାକୁ ପାଇଥିଲେ।
ଏହା ପରେ ଅଗ୍ନିଶମ ଓ ଓଡ୍ରାଫ ଜରିଆରେ ଖୋଜା ଖୋଜି ପରେ ରାତି ପ୍ରାୟ ସାଢ଼େ ଏଗାରଟା ବେଳେ ନଦୀ ଭିତରୁ ଜଣେ ଛାତ୍ରଙ୍କ ମୃତ ଦେହ ମିଳିଥିଲା। ଅନ୍ୟ ୩ ଜଣ ଛାତ୍ରଙ୍କ ପତା ମିଳି ନ ଥିବାରୁ ଆଜି ସକାଳୁ ପୁଣି ମହାନଦୀରେ ସର୍ଚ୍ଚ ଅପରେସନ ଆରମ୍ଭ ହୋଇଛି।
