ସତ୍ୟଶିଖା (ନୂଆଦିଲ୍ଲୀ) ୦୮.୦୩.୨୦୨୨: ଆଜି ବିଶ୍ୱ ପାଳୁଛି ଆନ୍ତର୍ଜାତୀୟ ମହିଳା ଦିବସ । ବିଶ୍ୱ ମହିଳା ଦିବସ ପ୍ରତିବର୍ଷ ୮ମାର୍ଚ୍ଚ ରେ ପୃଥିବୀ ସାରା ପାଳନ କରାଯାଇଥାଏ । ନାରୀ ସୃଷ୍ଟି ଓ ସମ୍ଭାବନା । ସେ କାବ୍ୟ, ସେ ପୁଣି କଳ୍ପନା । କୌଣସି ଶିିକୁଳିରେ ସେ ଆବଦ୍ଧ ନୁହେଁ । ଘରର ଚାରିକାନ୍ଥ ଭିତରେ ସେ ଆଉ ବାନ୍ଧି ହୋଇ ରହିନାହିଁ । ଘରର ଏରୁଣ୍ଡି ବନ୍ଧ ଡେଇଁ ସେ ଆଜି ପ୍ରତ୍ୟେକଟି କ୍ଷେତ୍ରରେ ତା’ର ସ୍ୱତନ୍ତ୍ର ଜାଗା ତିଆରି କଲାଣି । ରୋଷେଇ ଘରଠୁ ଆରମ୍ଭ କରି ଏରୋପ୍ଲେନ ଚଳାଇବା ଯାଏ ସବୁଠି ଆଗରେ ନାରୀ । ପୁରୁଷ ସହ କାନ୍ଧରେ କାନ୍ଧ ମିଳାଇ ସେ ଆଗେଇ ଚାଲିଛି ମୁକ୍ତ ଆକାଶର ବିହଙ୍ଗ ପରି ।
ଆଜି ଆନ୍ତର୍ଜାତିକ ମହିଳା ଦିବସ ଅବସରରେ ସମାଜ ପ୍ରତି ଉଦାହରଣ ସୃଷ୍ଟି କରିଥିବା ମହିଳା ମାନଙ୍କୁ ନାରୀଶକ୍ତି ସମ୍ମାନରେ ସମମ୍ମାନିତ କରାଯାଉଛି। ଏହି ସାମ୍ମାନିତ ସମାରୋହ ରାଷ୍ଟ୍ରପତି ଭବନରେ ଅନୁଷ୍ଠିତ ହେଉଛି । ରାଷ୍ଟ୍ରପତି ରାମନାଥ କୋବିନ୍ଦ ପ୍ରେରଣାଦାୟୀ ନାରୀମାନଙ୍କୁ ସମ୍ମାନିତ କରୁଛନ୍ତି । ଏହି ପୁରସ୍କାରରେ ୨୯ଜଣ ନାରୀଙ୍କୁ ସମ୍ମାନିତ କରାଯିବ । ଏଥିରେ ଓଡିଶାର ଶ୍ରୁତି ମହାପାତ୍ରଙ୍କୁ ନାରୀଶକ୍ତି ପୁରସ୍କାରରେ ସମ୍ମାନିତ କରାଯାଇଛି ।
ଶ୍ରୁତି ମହାପାତ୍ର ପ୍ରତ୍ୟେକ୍ ନାରୀଙ୍କ ପାଇଁ ପ୍ରରେଣାର ଉତ୍ସ । ଦିବ୍ୟାଙ୍ଗଙ୍କ ସ୍ୱତନ୍ତ୍ର ପରିଚୟ ପାଇଁ ସେ ସର୍ବଦା ଚେଷ୍ଟା କରିଥାନ୍ତି । ତାଙ୍କ ଦ୍ୱାରା ଦିବ୍ୟାଙ୍ଗଙ୍କ ପାଇଁ ସ୍ୱାଭିମାନ ଅନୁଷ୍ଠାନ ପ୍ରତିଷ୍ଠା ହୋଇଥିଲା ।
