ସତ୍ୟଶିଖା ( କଟକ ) ୦୩ /୧୨ /୨୦୨୧: ହାଇକୋର୍ଟରେ ମମିତା ମେହେରଙ୍କ ମୃତ୍ୟୁର ନିରପେକ୍ଷ ତଦନ୍ତ ଓ ଫାଷ୍ଟଟ୍ରାକ୍ କୋର୍ଟରେ ଶୁଣାଣି ଆବେଦନ ମାମଲାରେ ସରକାରଙ୍କ ପକ୍ଷରୁ ଷ୍ଟାଟସ ରିପୋର୍ଟ ଦାଖଲ ହୋଇଛି । ଅନ୍ୟ ଏକ ଇଣ୍ଟରଭେନିଙ୍ଗ ପିଟିସନ ଦାଖଲ କରାଯାଇଛି । ଡିସେମ୍ବର ୨୩ରେ ମାମଲାର ପରବର୍ତ୍ତୀ ଶୁଣାଣି ହେବ।
ସିଲ୍ କଭରରେ ସରକାରଙ୍କ ପକ୍ଷରୁ ଏହି ଷ୍ଟାଟସ ରିପୋର୍ଟ ଦାଖଲ ହୋଇଛି । ତଦନ୍ତ ଚାଲୁ ରହିଥିବାରୁ ସିଲ୍ କଭରରେ ଦାଖଲ କରାଯାଇଛି । ଖୁବଶୀଘ୍ର ତଦନ୍ତ ଶେଷ କରାଯିବ ବୋଲି ସରକାରୀ ଓକିଲ କହିଛନ୍ତି। ହାଇକୋର୍ଟଙ୍କ ନିର୍ଦ୍ଦେଶ କ୍ରମେ ଅବସରପ୍ରାପ୍ତ ଜିଲ୍ଲା ଜଜ୍ ଏବିଏସ ନାଇଡୁଙ୍କୁ ତଦନ୍ତର ତଦାରଖ ଦାୟିତ୍ବ। ଏ ସମ୍ପର୍କରେ ସଂପୃକ୍ତ ଖଣ୍ଡପୀଠଙ୍କୁ ଅବଗତ କଲେ ସରକାରୀ ଓକିଲ । ଇଣ୍ଟରଭେନିଙ୍ଗ ପିଟିସନ ପାଇଁ ପକ୍ଷ ରଖିଲେ ବରିଷ୍ଠ ଆଇନଜୀବୀ ପୀତାମ୍ବର ଆଚାର୍ଯ୍ୟ । ଇଣ୍ଟରଭେନିଙ୍ଗ ପିଟିସନର କପି ଆବେଦନକାରୀ ଓକିଲଙ୍କୁ ପ୍ରଦାନ କରିବାକୁ ନିର୍ଦ୍ଦେଶ । ଡିସେମ୍ବର ୨୩ରେ ମାମଲାର ବିସ୍ତୃତ ଶୁଣାଣି ହେବ ।
